F’Anfield Liverpool kienu miżmuma fi draw ta’ 2-2 minn Brighton. Kien Jordan Henderson li poġġa lil Liverpool fil-vantaġġ wara erba’ minuti filwaqt li Sadio Mane rdoppja fl-24 minuta. Ir-rimonta ta’ Brighton bdiet fil-41 minuta meta kien Enock Mwepu li naqqas l-iskor biex mbgħad fit-tieni taqsima kien Leandro Trossard li għamilhom 2-2.
B’sorpriża Manchester City tilfu barra minn darhom kontra Crystal Palace bl-iskor ta’ 2-0. Wilfred Zaha poġġa lil-Palace fil-vantaġġ wara sitt minuti. City sfaw jilaghbu bi player anqas meta tkeċċa Aymeric Laporte. Crystal Palace skorjaw il-gowl tar-rebħa fit-88 minuta permezz ta’ Conor Gallagher.
Arsenal kisbu rebħa tajba ta’ 2-0 barra minn darhom kontra Leicester biż-żewg gowls jaslu fil-bidu tal-partita. Arsenal marru fil-vantaġġ wara ħames minuti meta kien Gabriel li b’daqqa ta’ ras b’saħħitha għamilhom 1-0. Fit-18-il minuta kien Emile Smith-Rowe li għamilhom 2-0 b’konklużjoni minn nofs il-kaxxa. Leicester pruvaw iwettqu reazzjoni iżda kienu mċaħħda milli jagħmlu dan wara numru ta’ saves mill-goalkeeper ta’ Arsenal Aaron Ramsdale.
Chelsea approfittaw miż-żelqiet ta’ Liverpool u Manchester City u kabbru l-vantaġġ fil-quċċata tal-klassifika meta għelbu lil Newcastle 3-0. Il-gowls ta’ Chelsea kienu skorjat fl-aħħar 25 minuta permezz ta’ dopjetta ta’ Recce James fil-65 u fis-77 minuta biex mbgħad fil-81 minuta, Jorginho aċċerta mir-rebħa permezz ta’ penalty.
Manchester United irritornaw għar-rebħ wara t-telfa umiljanit kontra Liverpool il-ġimgħa li għaddiet meta għelbu lil Tottenham 3-0. Cristiano Ronaldo fetaħ l-iskor wara 39 minuta filwaqt li Edinson Cavani għamilhom 2-0 fl-64 minuta. Lejn it-tmiem kien Marcus Rashford li għalaq il-partita għal skor finali ta’ 3-0.
F’partiti oħra spikkaw ir-rebħiet ta’ Southampton u Burnley fuq Watford u Brentford rispetttivament.
PRMEIER LEAGUE
Ilbieraħ: Leicester v Arsenal 0-2, Watford v Southampton 0-1, Liverpool v Brighton 2-2, Newcastle v Chelsea 0-3, Man City v C’Palace 0-2, Burnley v Brentford 3-1, Tottenham v Man Utd 0-3 Illum: Norwich v Leeds 3.00pm, Aston Villa v West Ham 5.30pm Għada: Wolves v Everon 9.00pm
