F’intervistà mal-midja Franċiża, l-attakkant Arġentin ta’ PSG Lionel Messi qal li jixtieq li jirbaħ il-UEFA Champions League ma’ PSG biex wara jkun jista’ jirritorna ma’ Barcelona fi rwol ta’ Segretarju Tekniku.
Messi qal li t-trasferiment tiegħu ma’ PSG wassal għal bidla sħiħa f’ħajtu iżda jidher li issa għandu kollox f’postu hekk kif it-tfal u anke l-familja tiegħu diġa draw fl-ambjent ta’ Pariġi. Mistoqsi jekk jixtieqx jerġa jirritorna ma’ Barcelona, Messi qal li dejjem ammetta li jkun ta’ pjaċir għalih li jirritorna fi rwol differenti ma’ Barcelon fejn fost l-oħrajn qed jikkonsidra l-irwol ta’ Segretarju Tekniku.
