Anzjana mill-Imsida kellha tittieħed b’urġenza l-Isptar Mater Dei wara li ntlaqtet minn vettura f’San Ġwann.
Il-każ seħħ ftit qabel is-7.30 tal-Erbgħa filgħaxija fl-inħawi tal-Qasam Industrijali ta’ San Ġwann fi Triq San Ġiljan meta għal xi raġuni l-vittma ta’ 75 sena ntlaqtet minn karozza misjuqa minn raġel ta’ 56 sena mis-Swieqi.
Fil-post ġie msejjaħ tim mediku tal-ambulanzi li ħa lill-mara l-isptar għal aktar kura fejn ġiet ċertifikata li ġarbet ġrieħi gravi.
L-investigazzjonijiet tal-Pulizija b’rabta ma’ dan il-każ għadhom għaddejjin.
