Illum mit-3.20 p.m ‘l quddiem fuq NetTelevision jixxandar il-ħames programm SPORT EXTRA għal dan l-istaġun.
Il-parti l-kbira tal-programm hija dedikata għat-42 edizzjoni tar-Rolex Middle Sea Race b’siltiet dwar dak li seħħ matul il-ġranet ta’ kompetizzjoni kif wkoll intervisti ma’ LEE SATARIANO – skipper ta’ Artie III li kien l-ewwel jott Malti li daħal kif wkoll ma’ żewġ parteċipanti żgħażagħ SAUL VASSALLO u ALEX SIEGLER li kienu fuq Jan u Jarhead rispettivament u li minkejja fl-ewwel esperjenzi temmew ir-rotta kollha tal-korsa.
Fit-tieni parti fl-istess ambjent tal-baħar intervista ma’ REBEKAH CARUANA – President tal-University of Malta Rowing Club b’rabta mal-kompetizzjoni li kienet organizzata l-bieraħ b’parteċipazzjoni minn erba’ universitajiet barranin.
SPORT EXTRA bi produzzjoni u preżentazzjoni ta’ CHARLES CAMENZULI għandu muntaġġi tas-servizzi minn Samira Cachia Spiteri u filmati minn Michael Farrugia.
