L-attakkant ta’ Lazio Ciro Immobile kellu jirtira mill-iskwadra nazzjonali tal-Italja wara injury fil-pexxun. Minfloku ssejaħ l-attakkant ta’ Sassuolo Gianluca Scamacca.
Din mhux l-ewwel injury li qed jaffaċja wiċċu magħha l-coach Taljan Roberto Mancini hekk kif fl-aħħar jiem tilef ukoll il-players ta’ Roma Nicolo Zaniolo u Lornezo Pellegrini. L-Italja se tkun qed tilgħab żewġ partiti importanti fl-ambizzjonijiet tagħhom biex jikkwalifikaw b’mod dirett għat-Tazza tad-Dinja fil-Qatar hekk kif jilagħbu kontra l-Iżvizzera u l-Irlanda ta’ Fuq.
Minn naħa l-oħra, il-midfielder Nicolo Barella jidher li xorta waħda se jkun parti mill-iskwadra ta’ Roberto Mancini hekk kif minkejja li ma tħarriġx fl-aħħar jiem se jirkupra fil-ħin għall-partiti li jmiss.
