It-tennisti Brittaniċi, Dan Evans u Andy Murray avvanzaw għall-fażi li jmiss tal-Open ta’ Stokkolma. Dan Evans f’konfront diffiċli għeleb lil Davidovich Fokin 7-6 6-2 fejn issa fir-round li jmiss se jkun qed jilgħab kontra l-Amerikan Frances Tiafoe.
Il-kompatrijott tiegħu Andy Murray minn naħa l-oħra se jkun qed jilgħab kontra Jannik Sinner, b’Murray jiddeskrivi lit-tennista Taljan bħala wieħed mill-aqwa fil-mument. Murray li kien ilu barra għall-numru ta’ xhur qed iħares lejn din il-partita b’ottimiżmu hekk kif il-partita kontra Sinner se tkun test importanti sabiex ikompli jirkupra.
