Is-sewwieq Brittaniku ta’ Mercedes Lewis Hamilton se jkun ippenalizzat ħames postijiet fil-Grand ta Prix ta’ nhar il-Ħadd fil-Brażil. Dan wara li Mercedes iddeċidew li jagħmlu tibdil fil-magna tagħhom, hekk is-seba’ darbiet champion tad-dinja se jkun qed jagħmel il-ħames bidla fil-magna dan l-istaġun.
Id-distakk bejn Max Verstappen li jinsab fl-ewwel post tal-klassifika tas-sewwieqa, u Lewis Hamilton, hu ta’ 19-il punt, b’dan il-penali mistenni jagħti vantaġġ doppju lil Verstappen fil-ġlieda għar-rebħ tal-ewwel titlu tiegħu fil-Formula 1. Intant fl-ewwel dawriet ta’ prattika il-Ġimgħa filgħaxija, kien Lewis Hamilton li kiseb l-aktar ħin veloċi.
