L-Italja se jkollha tikkuntenta bil-play-offs hekk kif fil-partita deċiżiva kienet miżmuma fi draw ta’ mingħajr gowls mill-Irlanda ta’ Fuq. Minn naħa l-oħra, l-Iżvizzera kienu huma li kwalifikaw għall-Qatar minn dan il-grupp meta għelbu lill-Bulgarija 4-0. L-erba’ gowls waslu fit-tieni taqsima, permezz ta’ Naoh Okafor, Ruben Vargas, Cederic Itten u Remo Freuler.
L-Ingilterra kisbet post fil-fażi finali tat-Tazza tad-Dinja meta fl-aħħar partita tal-grupp għelbet lil San Marino 10-0. Kienu gowls ta’ Harry Maguire, awto-gowl ta’ Filippo Fabbri, erba’ gowls ta’ Harry Kane, tnejn minnhom minn penalty, gowls ta’ Emile Smith-Rowe, Tyrone Mings, Jude Bellingham, Tammy Abraham, Bukayo Saka li aċċertaw minn rebħa għall-Ingilterra. Mill-istess grupp, kienu l-Polonja li kisbu post fil-play-offs minekjja li fl-aħħar partita tilfu 2-1 kontra l-Ungerija.
Fi Grupp F, Kienu l-Iskozja li kisbu t-tieni post meta fl-aħħar partita tal-grupp kisbu rebħa ta’ 2-0 fuq id-Danimarka li kienu diġa kwalifikaw għall-fażi finali. Il-gowls tal-Iskozja, kienu skorjati minn John Souttar u Che Adams.
FAŻI TA’ KWALFIKAZZJONI GĦAT-TAZZA TAD-DINJA
Illum: Irlanda ta’ Fuq v Italja 0-0, Żvizzera v Bulgarija 4-0, Awstrija v Moldova 4-1, Iżrael v Gżejjer Faroe 3-2, Skozja v Danimarka 2-0, Albanija v Andorra 1-0, Polonja v Ungerija 1-2, San Marino v Ingilterra 0-10 Għada: Bosnija v Ukrajna 8.45pm, Finlandja v Franza 8.45pm, R. Ċeka v Estonja 8.45pm, Wales v Belġju 8.45pm, Ġibiltà v Latvja 8.45pm, Montenegro v Turkija 8.45pm, Olanda v Norveġja 8.45pm
