L-Imħallef Toni Abela rrikuża ruħu milli jisma’ kawża mressqa mill-aħwa George Degiorgio u Alfred Degiorgio li tittratta talba dwar id-drittijiet tal-bniedem relatata ma’ tappings tat-telefonati mis-Servizzi tas-Sigurtà ta’ Malta (MSS), wara li ntalbet minħabba l-fatt li kien biss riċentament iddeċieda każ fuq merti simili. bejn il-partijiet.
Ix-xahar li għadda, l-Imħallef Abela kien ta lil Degiorgio €10,000 f’kumpens wara li sab ksur tad-dritt tiegħu għall-ħajja privata u tal-familja fid-dawl tal-fatt li MSS naqset milli tesibixxi mandat li jawtorizza s-sorveljanza bit-telefon meta mitluba mill-qorti. Degiorgio, li jinsab mixli flimkien ma’ ħuh Alfred dwar il-qtil ta’ Daphne Caruana Galizia, kien ippreżenta wkoll kawża Kostituzzjonali separata fejn talab it-tħassir tal-proċeduri kriminali kollha kontrih, kif ukoll kumpens.
Dak il-każ kien qed jinstema’ wkoll minn Abela. Meta ssejjaħ il-każ il-Ħamis filgħodu, l-Avukat tal-Istat Chris Soler talab ir-rekuża tal-imħallef, filwaqt li sostna li l-“kif il-qorti kienet iddikjarat ruħha fi proċeduri oħra, esprimiet fehmiet fuq aspett tal-każ li huwa komuni għat-tnejn, ir-rekuża għandha iseħħ.”
L-Avukat William Cuschieri, li deher għal Degiorgio, ma insistax fuq ir-rikuża tal-Imħallef, iżda lanqas ma oġġezzjona għat-talba. Sostna li filwaqt li kien hemm aspetti simili, il-każijiet ma kinux identiċi. Wara li sema’ s-sottomissjonijiet fuq dan il-punt, l-imħallef iddetta nota, fejn osserva li l-qorti kienet diġà ddikjarat ruħha f’sentenza dwar xi wħud mill-provi esibiti f’dawn il-proċeduri, li llum hija suġġetta għal appell kontinwu.
Il-Qorti, wara li rat l-artiklu ċċitat, qalet li jidher ċar li ċ-ċirkostanzi partikolari ta’ dan il-każ ġew ikkunsidrati fil-liġi, li tgħid li l-qorti għandha tilqa’ kull talba għal rikuża f’ċirkustanzi bħal dawn. Abela rrikuża ruħu mill-każ, u bagħat l-atti tal-kawża lura lir-reġistratur biex jiġu ttrattati skont il-liġi.
