Għal dawk li huma interessati fl-isports tal-Abseiling u z-Ziplining, dan il-weekend għandom l-opportunità li jipprattikawhom, hekk kif il-Mosta Scout Group f’kollaborazzjoni ma’ Missio Malta qed jorganizzaw ‘Abseiling and Ziplining weekend’ b’risq il-missjoni.
Din hi l-ħames sena konsekuttiva li Missio Malta qed tagħmel kollaborazzjoni mal-Mosta Scout Group u din is-sena, l-attivitajiet jinkludu Zipline li jilħaq tul ta’ 100 metru, kif ukoll abseiling ta’ 43 metru.
Il-fondi miġbura minn din l-attività u diversi attivitajiet oħrajn se jmorru fil-kontinenti kollha fejn hemm il-missjunarji, inklużi fi rziezet, skejjel, kliniċi u spieri.
Il-Missio qed tistiden lil kulħadd biex jissieħeb magħhom matul dan il-weekend biex il-missjoni tkompli tgħin lin-nies madwar id-dinja li tassew għandhom bżonn l-għajnuna.
