“Fl-aħħar xi ħadd irnexxielu jibda t-triq sabiex nibdew niġbru ġieħna bħala pajjiż.” Hekk sostna l-eks Prim Ministru u eks Kap tal-Partit Nazzjonalista Lawrence Gonzi b’reazzjoni għar-rebħ tal-vot tal-PPE tal-Membru Parlamentari Ewropew Roberta Metsola fejn sostna li għandu fiduċja sħiħa fiha.
Lawrence Gonzi saħaq li flimkien mal-mara tiegħu Kate, minn qalbhom u f’isem ukoll il-Maltin kollha jappoġġjawha u jawgurawlha kull suċċess.
Huwa saħaq li l-pajjiż jinsab warajha għaliex jemmen bi sħiħ li hija kompetenti, onesta u serja – rappreżentanta denja ta’ dak li l-Maltin u l-Għawdxin jistennew mingħand min jiġi elett biex jirrappreżentahom.
Dan filwaqt li rringrazzja wkoll lil MPE David Casa li għażel li jirreżenja mill-kariga ta’ Quaestor sabiex Roberta tkun tista tikkontesta għal din il-kariga.
Awguri li wasslu wkoll mingħand l-eks Kap tal-Partit Nazzjonalista, illum Segretarju Ġenerali tal-Partit Popolari Ewropew, Simon Busuttil fejn insista li dan li jfisser meta Malta tkun immexxijja minn nies li verament jistgħu jibnu r-reputazzjoni tal-pajjiż mill-ġdid.
Huwa saħaq li illum Roberta Metsola qed twettaq l-istorja.
