Ħaddiem li kien qed jagħmel xogħol ta’ membrane sofra minn ġrieħi gravi wara li waqa’ fuq bejt fi Triq in-Negozju, fl-Imrieħel għall-ħabta tat-8am.
Il-Pulizija tad-Distrett marret immedjatament fuq il-post u mill-investigazzjonijiet preliminari rriżulta li raġel ta’ 31 sena residenti Bormla, waqa’ minn għoli ta’ madwar tliet sulari waqt li kien qed jagħmel xi xogħol.
Fuq il-post issejħu l-Pulizija, membri tad-Dipartiment tal-Protezzjoni Ċivili u tim mediku mill-Isptar Mater Dei fejn wara li ngħata l-ewwel għajnuna fuq il-post, hu ttieħed l-Isptar Mater Dei għal iktar kura. Il-kundizzjoni tiegħu għadha mhix magħrufa.
L-investigazzjonijiet tal-Pulizija għadhom għaddejjin.
