Mara Filippina qalet lill-Pulizija li d-daqqa ta’ sikkina fatali fuq is-sieħeb tagħha kienet forma ta’ ‘self defence’ “waqt attakk meta l-vittma kien fis-sakra. Dan ħareġ fil-kumpilazzjoni ta’ provi kontra mara akkużata li qatlet lil sieħba tagħha fejn uffiċjal tal-pulizija xehed li hija kienet infurmat lill-pulizija li kienet daqqet fil-parti ġenitali tiegħu. Hija qalet li dan seħħ qabel ma huwa jagħti daqqa ta’ sikkina fuq żaqqu stess.
Mayumi Santos Patacsil ta’ 44 sena mill-Filippini tinsab akkużata bil-qtil ta’ Marcelino Montalban Saraza, is-sieħeb tagħha għal erba’ snin. Hija akkużata wkoll li ffabbrikat evidenza, tbagħbis ta’ l-istess evidenza u li għamlet rapport falz lill-Pulizija.
Fit-2 ta’ Lulju ta’ din is-sena, l-uffiċjali tal-pulizija kienu sabu l-katavru ta’ Saraza, wiċċu ’l isfel u miksi b’għatu fid-dar tiegħu fil-Mellieħa wara li ġew avżati bil-qtil mill-allegata awtur stess. Il-vittma ngħatat daqqiet ta’ sikkina f’sider u f’għonq, qalet il-Pulizija.
Diversi xhieda xehdu quddiem il-maġistrat Caroline Farrugia Frendo meta kompla l-każ. Il-kuntstabbli mill-Domestic Violence Unit qalet lill-Qorti kif fit-2 ta’ Lulju għall-ħabta tas-2:04am, hija kienet intbagħtet il-Qawra fejn Patacsil kienet ressqet rapport dwar argument li kellha mal-vittma, fejn sostniet li kien fis-sakra u kien heddidha li joqtolha u jaqtgħalha rasha.
Tenniet li matul l-argument, kien avviċinaha b’sikkina tal-kċina, u qalilha dan kollu, qal l-uffiċjal. Hija kellha ġrieħi ta’ sikkina fil-pali ta’ jdejha kif ukoll ‘bitemarks’, qal l-uffiċjal. Patacsil kienet qalet lill-Pulizija li hija kienet qatlet lill-parner taggħa biex tiddeffendi lilha nnifisha għax kien ħabat għaliha.
Hekk kif waqa’ ‘l quddiem, huwa kien ipprova jagħti daqqiet ta’ sikkina fuq żaqqu hija kienet, qalet. Hija ġiet skortata l-Isptar Mater Dei u sadanittant, fil-flat instab il-katavru ta’ Marcellino. Mayumi kienet tpoġġet taħt arrest. Aktar kmieni fis-seduta kienu xehdu wkoll xi ġirien tal-akkużat.
Waħda minnhom, Dragana Vessalinovic xehdet li kienet ilha torqod f’kamritha ma’ bintha fil-lejl tat-2 ta’ Lulju, meta semgħet lill-koppja jiġġieldu. “Ir-raġel tiegħi kien qed jgħidilhom biex ma jiġġieldux, biex iżommu kalmI għax il-ġirien kienu qed jilmentaw.”
Hija kienet tkellmet mal-pulizija u kienet tagħat stqarrija dwar il-qtil, li kkonfermat bil-ġurament fil-Qorti. Mistoqsija mill-avukat tal-prosekuzzjoni George Camilleri dwar min kienet semgħet targumenta, hija wieġbet. “Marcellino u Mayumi.” Hija għarfet lill-akkużata fl-awla. Ix-xhud żiedet tgħid li hija kienet għaddiet lill-Pulizija sensiela ta’ messaġġi li kienet irċeviet mingħand l-akkużata, flimkien ma’ messaġġi fuq Facebook mingħand il-mara.
Xehed ukoll Marlon Ranada Bautista mill-Filippini. Bautista, eks ġar tal-akkużata u tal-vittma, spjega li kien ġie msejjaħ fil-Kwartieri Ġenerali tal-Pulizija biex jiġi mistoqsi dwar il-“każ Mayumi”. “Mayumi kien xufier tal-karozza tal-linja, kollega part-time tal-ħabib tiegħi, Marcellino,” spjega bl-Ingliż miksur.
Qal li kien ilu jaf lill-koppja mill-2019, hekk kif dak iż-żmien ix-xufiera kienu jaqsmu l-akkomodazzjoni fi blokka kbira ta’ appartamenti. Speċifika li hu ma kienx qed jgħix hemm fiż-żmien li miet Marcellino, iżda kien jgħix fil-viċin. Fil-lejl tal-qtil li fakkar, kien wasal biex jorqod, meta sema’ lil xi ħadd idoqq il-qanpiena ta’ appartament ieħor għall-ħabta tan-12 jew 1230am.
Kienet Mayumi, qal, u żied li ma riedx ikellimha. “Hija problema. Dejjem jiġġieldu,” qal lill-qorti. Bautista irrikonoxxa lill-akkużata fil-Qorti. L-avukat difensur Francesca Zarb staqsiet jekk qattx kellim lil Mayumi. “Tkellimt magħha,” huwa wieġeb.
“Jiena xufier tal-linja għalhekk u b’kollox kellimta xi 10 darbiet u kont inkellimha fuq żewġha. Kienet tmur fl-appartament tiegħi biex tagħmel massage lil marti,” huwaqal. Mistoqsi kif kien jaf li hi kienet l-inkwiet ta’ kollox, qal li xufier ieħor kien qallu li dejjem tiġġieled.
Il-mara ta’ Bautista ma setgħetx tagħti x-xhieda tagħha peress li kien hemm biss interpretu wieħed disponibbli, li diġà kien qed jassisti lill-akkużata. Hija se tixhed f’seduta oħra. Fi tmiem is-seduta tal-Qorti, il-Maġistrat Farrugia Frendo ddikjarat li kienet hemm provi biżżejjed biex tpoġġi lill-Filippina taħt att ta’ akkuża, u bagħtet l-atti tal-każ lura lill-AĠ.
l-każ se jkompli f’Jannar. L-Ispettur Shawn Pawney mexxa l-Prosekuzzjoni, flimkien mal-avukat George Camilleri mill-Uffiċċju tal-Avukat Ġenerali. L-avukati Franco Debono, Franncesca Zarb Ryan Ellul u Tiziana Micallef huma l-avukati difensuri.
