Chris Cassar
SWIEQI U. …………………… 2
PIETA H. ……………………… 2
Swieqi U: J.C. Debattista, N. Gauci, J. Magri Overend, K. Sultana, J. Willy, A. Schembri Wismayer, M. Vella, M. Micallef, J. Azzopardi, R. Taliana, J. Caetano.
Pieta H: R. Cini, S. Okoh, S. Mizzi, D. Zerafa, T. Iida, P. Lapira, N. Inacio, B. Borg, D. Grima, Z. Leonardi, J. Scicluna
Referee: Andrea Sciriha
Gowl tas-sotitut Morita fl-94 minuta salva lil Pieta u ħallihom weħidhom fl-ewwel post fi tmiem l-ewwel rawnd wara li Tarxien sofrew l-ewwel telfa kontra Fgura. Kienet logħba li Swieqi litteralment tilfu minn ħalqhom fejn mingħajr dubju li jekk kien hemm tim li kien ħaqqu joħroġ rebbieħ dan kien it-tim ta’ Swieqi.
Swieqi fetħu l-iskor wara erba’ minuti meta Caetano għeleb in-nasba tal-offside, ipprova jqabbeż il-ballun minn fuq il-goalkeeper ta’ Pieta li mess il-ballun b’idu barra l-kaxxa iżda mir-rebound l-istess Caetano kompla għal ġewwa.
Ir-reazzjoni ta’ Pieta ma kinitx waħda immedjata izda iktar ma beda għaddej il-ħin iktar bdew jidħlu fil-logħba u fit-33 minuta kisbu d-draw meta Daniel Zerafa skorja direttament minn freekick bil-goalkeeper Debattista jimblokka iżda ma jirnexxielux iwaqqaf il-ballun.
Fil-45 minuta Swieqi reġgħu marru fil-vantaġġ meta Willy bir-ras irnexxielu jiżmarka lil Taliana li b’xutt preċiż fil-baxx sab ir-rokna tax-xibka.
Fit-tieni taqsima Swieqi ħarġu jattakkaw u Caetano għamel l-impossibli meta xeħet barra minn taħt il-lasta fit-52 minuta. Pieta ippruvaw isibu l-gowl tad-draw iżda Swieqi kienu dejjem iktar perikolużi u fl-aħħar sekondi kienu anki sfortunati meta laqatu l-lasta.
Fl-94 minuta Pieta kisbu l-gowl tad-draw meta d-difiża ta’ Swieqi nqabdet fuq sieq waħda u s-sostitut Yoto Morita skorja b’xutt bid-dawra.
L-ebda gowl f’logħba monotona
MELITA …………………….. 0
RABAT A. …………………. 0
Melita: R. Caruana, D. Cutajar, M. Debattista, J.P. Attard, J. Galea, A. De Barros, J. Abela, A. Messina, C. Baker, C. Babilonia, E. Herrera.
Rabat A: J.M. Vella, E. Lekaj, J. Caruana, N. Attard, B. Micallef, L. Vella, G. Poncet Otero, A. Bustos, A. Smeir, S. Abela, Z. Tanti.
Referee: Emanuel Grech
Rabat u Melita kisbu punt kull wieħed f’logħba mill-iktar deludenti bejn żewġ timijiet li kisbu l-promozzjoni mill-Amateur League fl-istaġun li għadda. L-azzjonijiet kienu verament rari u l-iskor jagħti stampa ċara ta’ dak li seħħ fid-90 minuta.
Wara sitt minuti ċans tad-deheb għal Rabat iżda Larens Vella kompletament waħdu ra x-xutt tiegħu jgħaddi jħakkek mal-mimduda. Din kienet tista’ tgħid l-unika azzjoni denja fl-ewwel taqsima. Dan għaliex il-logħba żviluppat f’waħda pjuttost monotona fejn iż-żewġ goalkeepers kienu biss spettaturi.
Fit-tieni taqsima l-andament tal-logħba baqa’ l-istess b’ħafna logħob f’nofs il-grawnd u bl-azzjonijiet kollha jintemmu mall-pass finali. Melita kellhom xi ftit iktar inizzjattiva f’din it-taqsima u kellhom tentattiv fis-70 minuta meta xutt fil-baxx ta’ Julian Galea kien salvat b’diffikulta mill-goalkeeper Rabti.
Fit-80 minuta l-isbaħ azzjoni ta’ Melita bil-ballun għand is-sostitut Eman Falzon li waħdu quddiem ll-goalkeeper Vella kien imċaħħad mill-goalkeeper Rabti li wettaq l-isbaħ save tal-logħba. Melita komplew jinsistu u xutt ta’ Baker mar għoli.
CHALLENGE LEAGUE
GRUPP A: Rabat A. v Melita 0-0, Lija A. v St. George’s 2-0 GRUPP B: Pietà H. v Swieqi U. 2-2, Tarxien R. v Fgura U. 1-4
