Fi kliem il-Kap tal-PN Bernard Grech, l-avvenimenti tal-aħħar 24 siegħa jikkonfermaw illi l-Gvern ta’ Robert Abela jinsab f’kollass totali. U hemm xibka ta’ kriminalità li qed tikkrolla biċċa biċċa u m’għadhiex tenibbli.
Illum biss assistejna għal riżenja ta’ Membru Parlamentari għax investigat mill-Pulizija, ieħor ma jistax jikkontesta għax investigat fuq evażjoni ta’ taxxa u nkixef mill-ġurnalisti, u Ministru tal-Edukazzjoni għadha hemm għax il-Prim Ministru jibża’ jkeċċiha.Gvern li qed iwassal għal ħsara irreparabbli għal isem pajjiżna waqt li suppost niġġieldu pandemija u ffukati biex noħolqu l-ġid.
F’post fuq il-media soċjali, Bernard Grech qal li l-ħaddiem Malti, iż-żgħażagħ u l-Maltin kollha għandhom dritt għal gvern li jmexxi b’serjetà u għaqal. Il-PN jrid ikun dak il-Gvern li ħaqqhom il-Maltin beżlin u ħawtiela. Il-Maltin ħaqqhom aħjar.
“Aħna ser inkunu aħjar.Ingħaqdu magħna llum biex inneħħu dan il-Gvern li mhuwiex tenibbli u nagħtu gieħ lil Malta bi gvern ġdid nadif, onest, u lest biex jaħdem għalik. B’hekk nibdew intejbu r-reputazzjoni ta’ pajjiżna.”
