Membri mid-Dipartiment tal-Protezzjoni Ċivili flimkien ma’ uffiċjali tal-Pulizija ġew imsejħa tard l-Erbgħa filgħaxija wara li daħlilhom rapport ta’ inċident tat-traffiku li seħħ fil-Mosta.
Il-każ seħħ fi Triq Valletta meta għal xi raġuni vettura misjuqa minn raġel, li s’issa l-identita tiegħu għadha mhux magħrufa, kienet involuta f’inċident ma’ vettura oħra bil-konsegwenza li spiċċat nqalbet.
Xhieda fil-post li tkellmu ma’ Net News saħqu li membri mill-Protezzjoni Ċivili kienu qed jagħmlu l-għalmu tagħhom sabiex joħorġu lis-sewwieq mill-karozza.
Fil-post ġie msejjaħ ukoll tim mediku tal-ambulanzi li ħa lir-raġel u persuna oħra l-Isptar Mater Dei għal aktar kura.
Aktar dettalji fil-ħin li ġej.
