Mix-xhieda ġuramentat li Alison Bogdanovic, l-eks mara ta’ Daniel Bogdanovic, tat quddiem il-Kummissarju għall-Istandards Pubbliċi joħroġ ċar li l-pożizzjoni ta’ Justyne Caruana bħala l-Ministru tal-Edukazzjoni m’għadhiex aktar tenibbli.
L-ewwel parti tat-test sħiħ tax-xhieda ta’ Alison Bogdanovic:
GH: Bonġu Sinjura Bogdanovic. Aħna tlabnik tattendi għal din il-laqgħa biex tispjegalna ftit l-ilment li int għamilt dwar il-kuntratt li ngħata lil Daniel Bogdanovic mill-Ministeru tal-Edukazzjoni. Għandi nifhem li hu l-eks raġel tiegħek. mill-Ministeru tal-Edukazzjoni.
Tista’ tgħid li trid però ma tantx nixtieq li nidħlu fil-kwistjoni tas-separazzjoni, għax dik ma tinterressanix daqshekk, hux hekk?
AB: Tajjeb.
GH: Dak li jinteressana bħala dan l-Uffiċju kienx hemm irregolarità fl-għoti ta’ dan il-kuntratt minħabba r-relazzjoni li allegatament teżisti bejn il-Ministru Justyne Caruana u l-eks raġel tiegħek.
Intuk il-ġurament, taħlef li tgħid is-sewwa, s-sewwa kollu u xejn ħlief is-sewwa, hekk Alla jgħinek.
AB: Naħlef.
GH: Mela ħa nsaqsik ftit domandi sempliċiment biex inkunu qegħdin, fl-istampa. L-ewwel ħaġa, inti u l-eks raġel tiegħek, meta iltqajtu, kemm ilkom li ltqajtu, kemm-il sena ilu u x’kien jagħmel dak iż-żmien?
AB: Aħna ltqajna fin-99. Fil-ground il-Gozo Stadium u f’Awwissu tal-1999 stess iżżewwiġna, f’sitt xhur.
GH: Jiġifieri kien diġà footballer jilgħab f’Għawdex?
AB: Ehe. Imma missieru kien coach tal-Hamrun. Imbagħad kien waqaf u ġew Għawdex u Daniel ġie biss jilgħab ma’ Għajnsielem imma kellu xi problema minħabba l-karti u ma setax jilgħab u mbagħad sintendi wara żżewwiġna. Fhimt, ġab il-passaport Malti, hu l-aħhar wieħed, kif iżżewwiġna, ħa l-passaport Malti.
GH: Jiġifieri mill-1999 ’il quddiem, beda jilgħab Għawdex hux hekk qed tgħid?
AB: Ehe, Għawdex, Malta, isiefer, trials, jiġifieri l-impjieg tiegħu kien il-football biss.
GH: Dak iż-żmien kien footballer biss, u kemm kellu żmien dak iż-żmien?
AB: Dsatax.
GH: Dsatax. Jiġifieri meta imbagħad mar mal-Belt u hekk dak ġrat wara?
AB: Iva, konna miżżewġin
GH: Kontu miżżewġin però bqajtu tgħixu Għawdex jew?
AB: Skont, Għawdex, jew jiġifieri għexna Marsaxlokk, Birżebbuġia, tas-Sliema, Swieqi, jekk kienu joffrulu akkomodazzjoni kont ninżel miegħu.
GH: Issa, hu irtira mill-football, bħala player qed ngħid?
AB: Le, il-kuntratt li ffirma ma’ Għajnsielem għal tliet snin kien bħala player-coach, fil-fatt fit-23 ta’ Diċember 2020 lagħab kontra l-Pietà u l-Ministru kienet qed tarah.
GH: Skużani, ma fhimtekx.
AB: Dakinhar anke l-Ministru kienet qed tarah.
GH: Kienet qed tarah x’jiġifieri?
AB: Kienet qed tara l-logħha.
GH: Ġiet tara l-logħba?
AB: Aħna ma stajniex immorru għax in-nies ma jistgħux jidħlu l-grawnd, imma l-Ministru ċemplet għax sintendi Għawdex żgħir, kulħadd jaf ’l kulħadd, jiġifieri l-kelma tiġri, u tal-grawnd ma redux iħalluha tidħol u mbagħad ċemplu lill-President tal-GFA Samwel u qalilhom: “Ministru hux, tridu tħalluha tidħol!” U’ għamlet show għax weġġa’ u ma kien hemmx ambulanza… u…
GH: Jiġifieri sal-lum il-ġurnata għadu qed jilgħab qed tgħid?
AB: Iva. U jikkowċja.
GH: Issa apparti li kien footballer u coach tal-football, kien jagħmel xi xogħol ieħor kemm domtu flimkien?
AB: Le. Mela xi erba’ snin ilu ġara każ ta’ vjolenza domestika u spiċċajna l-Qorti. Konna għamilna xi xahrejn jew tliet xhur separati. Konna telgħin u neżlin il-Qorti iżda mbagħad konna rranġajna u bdejna nitkellmu biex naraw nirranġawx l-affari.
Kien hemm imbagħad l-inċident meta Daniel kien qed jilgħab max-Xewkija kontra Għajnsielem, u weġġa’ siequ Kien weġġa’ siequ gravi tant li sal-lum għad baqagħlu xi ħadid ġo siequ. Dakinhar kienu ċempluli ħafna nies li kienu l-grawnd u qaluli li Daniel kien weġġa’ u serjament.
Ir-relazzjoni tagħna iżda niftakar li darba Daniel kien arrestat mill-Pulizija u meta kien fil-kustodja tal-Pulizija, il-President tax-Xewkija kien għamel garanzija personali, ħallaslu l-Qorti, biex Daniel seta’ jinħareġ mill-arrest u jmur jilgħab.
Allura hu qalli “Kien hemm Ministru”… naħseb… ma nafx min…li għen lil tax-Xewkija u lil Daniel daħħlu fil-Community Work. Għandi l-kuntratt jekk trid tal-Community Work.
GH: F’liema sena kien dan?
AB: Għandi l-kuntratt.
GH: Tajjeb.
AB: Għax jien kont nieħu ħsieb dawn l-affarijiet għaliex hu ma kienx jieħu ħsieb il-kuntratti. Għax hu football u playstation. Affarijiet ta’ kontijiet u kuntratti kollox jien.
GH: Bħala skola x’kellu hu?
AB: Xejn. Għax hu twieled il-Libja, għex il-Libja u t-Tuneżija u m’għandu l-ebda ċertifikat. Hu jaf jitkellem b’għaxar lingwi għax kull pajjiż li mar mill-ewwel qabad. Anki hawn, il-Malti jaf jitkellmu aħjar minni.
GH: Hu kien mar skola Malta jew le?
AB: Le. Malta qatt ma mar skola. Le. Hu kif wasal hawn qal li ġie ta’ 16 għamlu xi sena u nofs, u reġgħu marru t-Tuneżija u imbagħad ġew lura u ġie Għawdex. Għawdex qatt ma mar skola, u lanqas għandu ċertifikati. Li mar skola tal-MFA. Għandu l-liċenzji li għandu C u B u issa dis-sena qed jagħmel l-A licence.
GH: Ta’ xiex huma dawn?
AB: Tal-coaching.
GH: Mela qed nara dan il-kuntratt li tajtni, dan qiegħed datat mit-2 ta’ Jannar 2018. U x’kien jagħmel mal-Community Workers Scheme allura?
AB: Għall-ewwel daħal fir-range taż-Żebbuġ jagħmlu l-ġebel tas-sejjiegħ u dak li jkun hemm bżonn f’Għawdex imma imbagħad tawh transfer għall-isports complex.
GH: T’Għawdex?
AB: Iva. Bħala Sports Educator. Għax għandi l-payslip u hekk miktub fuqha.
GH: Imma x’kien jagħmel bħala Sports Educator?
AB: L-isports complex imma, jidħol u ma jagħmel xejn milli qed nisma’ issa għax issa n-nies kulħadd jiġi jgħidlek. Sa nofsinhar kien ikun id-dar, sas-sagħtejn.
GH: Kemm ilkom miżżewġin intom?
AB: Iżżewwiġna f’Awwissu bil-Knisja fl-1999 u bil-Qorti f’Lulju ta’ qabel.
GH: U sseparati?
AB: Issa mis-27 ta’ Frar 2021.
GH: Għadkom kif isseparajtu issa? Tfal?
AB: Tlieta, miegħi qegħdin.
GH: Meta attwalment telaq mid-dar hu, apparti separazzjoni?
AB: (Hawhekk Alison Bogdanovic spjegat iċ-ċirkostanzi tas-separazzjoni tagħha li seħħu qabel ma telaq Daniel Bogdanovic.)
Hu telaq fi New Year’s Eve, mid-dar, u imbagħad jien erġajt dħalt lura id-dar.
GH: Jiġifieri int qed toqgħod fid-dar fejn kontu tgħixu qabel u hu telaq u fejn qed joqgħod?
AB: Għax issa d-dar tiegħi, għax sehmu kitbu lili għax jiena mort affaċċjajt lill-Ministru.
GH: Erġa’ għidli skużani?
AB: Mela issa d-dar hi kollha tiegħi għax sehmu kitbu lili għax qabel ma riedx itini xejn… la manteniment… xejn.
GH: Minħabba s-separazzjoni qed tgħid.
AB: Iva. Għax mort sibt lill-Ministru, affaċċjajtha u mbagħad kollox tani li ridt.
GH: Meta tgħid affaċċjajtha, x’jiġifieri?
AB: Mort u sibtha għandu.
GH: Id-dar tiegħu?
AB: fejn qed jikri. Ta’ Sannat. Qiegħda hemmhekk fuq xogħol, kien fis-7 ta’ Jannar li għadda kif lestiet minn Kastilja, għax kien hemm taħdidiet tal-istrajk, ġiet wara l-bieb tiegħu, u ma tajthiex ċans tidħol għandu. Li kelli ngħidulha għidtulha, imma, tkompli tigdeb “mhux vera”.
GH: Tat spjegazzjoni x’qed tagħmel hemm allura?
AB: Qalet li kienet ġabitlu karti tax-xogħol u jien għidtilha “tista’ ttihomlu għada filgħodu?” “Le”, qaltli “le għax irid jagħmel… imma mhux affari tiegħek”.
GH: Fid-disgħa u nofs ta’ filgħodu jew ta’ filgħaxija?
AB: Ta’ filgħaxija.
GH: Jiġġifieri, din l-allegazjoni li qiegħda miegħu, f’relazzjoni miegħu jiġifieri, apparti dan l-inċident fejn inti rajtha.
AB: KJiena anke Malta ġejt, niffollowjahom imma ħarbuli għax wara training baqa’ nieżel Malta u kienu miftehmin ġo xi lukanda Għawdex u hu baqa’ għax kellu l-kors l-għada filgħodu l-Ħamis baqa’ sejjer Ta’ Qali u hi ġiet mal-vapur tat-tmienja u nofs. Għax jiena għandi l-filmati ukoll, dieħla u ħierġa l-appartment tiegħu. Jiġifieri nista’ nurihomlok mhix problema.
GH: Għandek filmati tagħha dieħla u ħierġa l-appartament tiegħu Għawdex jew Malta?
AB: Għawdex.
GH: Għawdex. Issa, ħa niġu għax-xogħol tiegħu mal-Ministeru. Fil-media kien ġie rappurtat illi hu kellu xi xogħol, kellu card, jew, email address dawn l-affarijiet, mas-Segretariat, qabel id-data tal-kuntratt li ngħata u ġie rappurtat ukoll fil-media.
AB: Anke l-Libja mar magħha. Anke l-Libja mar magħha fit-13 ta’ Diċembru tal-2020 għax jien għaddejtlu l-libsa u l-laqgħa fil-Libja qalli li kienet se tkun fl-4 a.m. fil-Libja. Kien ilni naf xi ġimgħa qabel ma marru, għax, qara l-email, li, kien hemm iċ-ċifra xi 35… li ħa jiddiskutu, li ħa jiftħu xi skola, jiġifieri qabel ma marru, kont naf, għax qalli u għax qrali l-email.
GH: Sew. Dan f Diċembru?
AB: Iva.
GH: Fit-13 ta’ Diċembru.
AB: Iva. Kienu marru mal-vapur tas-6. 16 a.m. Telaq mid-dar u ġie x-xufier għalih. Ma nafx jekk il-Ministru kenitx magħhom fil-karozza lejn Malta. Qalli li marru bil-private jet u x’ħin ġie, lit-tfal urihom ir-ritratti tal-Libja għax hu għex il-Libja, twieled il-Libja, il-Libja, nofsha imfarka u qalilhom li libsuh il-jacket-proof.
GH: Bulletproof jacket?
AB: Iva. Qalilhom li mill-ajruplan “ma stajtx nieħu ritratti għax kif inżilna, qabel ma nżilna minn ġol-ajruplan, ħadulna l-mowbajl u mbagħad reġgħu tahulna x’ħin irkibna lura fl-ajruplan”.
GH: Ġurnata għamlu hemm? Marru u ġew?
AB: Iva, marru u ġew. Anqas minn ġurnata, għax marru fit-13 u fil-14 waslu. Baqgħu ġejjin il-Ministeru l-Furjana u qalli, u mbagħad id-dar wasal f’xit-3p.m.
GH: Lejl wieħed?
AB: Iva.
GH: Dak iż-żmien x’kien ir-rwol tiegħu fis-Segretarjat?
AB: Lili qalli person of trust tagħha. Għandhom grupp chat, hi, Etienne u Daniel għax hu qisu bħal Etienne St. John fhimt? Qalli jien ftit minn kollox, għax jien għidtlu li hu ma kellux ċertifikati u allura mhux suppost li qiegħed hemm imma hu qalli li person of trust m’għandux għalfejn ikollu ċertifikati”. Imbagħad, qara l-email lili u lit-tifla, xogħlu x’kien se jkun għax hu dejjem fl-isports, li ħa jkun Head of School of Sports fuq l-għalliema tal-P.E. biex il-P.E. jkollu iżjed, ikun hemm iżjed lessons tal-P.E. f’kull skola, jiġifieri mhux ġo Skola Sports biss. Il-paga kienet se tkun €2,900 għax kien hemm e-mail u qralha lili u lit-tfal.
GH: Meta tgħid se jkun, tfisser, għadu ma sarx?
AB: Għax jiena ifhem issa ma nafx, għax jien qed ngħidlek x’kien qal f’Diċembru jiġifieri, issa ma nafx għax issa m’għandix.
GH: Le għaliex fil-gazzetti kien ġie rappurtat li hu kien diġà fis-Segretarjat.
AB: Iva, għax għandi.
GH: Iva, imma s-Segretarjat ċaħadha din.
AB: Sorry?
GH: Il-Ministeru ċaħadha. Il-Ministeru kien qal li dan mhux veru.
AB: Ħeqq… għandi l-badge ukoll, jiġifieri.
GH: Il-badge?
AB: Il-badge… ħalli nurihielek mela…għax id-dar kien jiġi bil-badge. Imbagħad jinżagħha.
GH: Il-paga tiegħu sa dak iż-żmien minn fejn kien qed jeħodha? Mill-Community Workers Scheme jew il-Ministeru?
AB: Issa, bħala paga tal-Community irranġatlu li se jibqa’ jeħodha.
GH: Jibqa’ jeħodha oltre l-paga tiegħu?
AB: Iva.
GH: Fis-Segretarjat?
AB: Iva.
GH: Però mas-Segretarjat, attwalment ġie impjegat jew le?
AB: Iva. Għax hu hekk qal li issa se jkollu, se jkollna, iżjed flus. Hekk kien qalilhom lil-tfal. Qalilhom għax se jkolli l-paga tal-Ministeru, il-paga tal-Community u d-dħul li kellu mill-football. Qalli li mbagħad kien se jieħu din extra… tal-Head of School.
GH: Ok. Mela dan it-tip ta’ xogħol m’għandux x’jaqsam mal-kuntratt tal-€5,000 fix-xahar?
AB: Le.
GH: Qabel?
AB: Qabel. Fil-fatt f’Diċembru kien idur magħha l-iskola. Dawn kollha kienu d-dar jiġifieri hu kiteb id-dati fejn kien ikun iduru l-iskejjel.
GH: Inti qed turini x’tip ta’ timetable din, x’inhi?
AB: Iva.
GH: Timetable ta’ żjarat.
AB: Taż-żjarat u hu kitibhom
GH: Li għamel fl-iskejjel qabel.
AB: F’Diċembru, Jannar u Frar u mbagħad x’ħin ħarġet fil-medja waqfet biex in-nies ma jarawhx magħha.
GH: Dawn għandi nifhem ħallihom id-dar warajh. B’hekk ġew f’idejk.
AB: Le. Għax jien xorta kont għadni mmur id-dar, innaddaf. Jien tlaqt biex nissepara imma qabel, sakemm hu kien għadu jgħix id-dar, jien xorta kont immur insajjar li-tfal, innaddfilhom, tlett it-tfal, ma nistax naqbad u nħallihom.
GH: Għax it-tfal baqgħu hemm dak iż-żmien?
AB: Iva.
GH: Il-Ministru dejjem baqgħet tiċħad?
AB: Iva.
GH: Ħa niġu għal dan il-kuntratt tat-tliet xhur biex niftehmu. Fejn hu
kien qed jitħallas €5,000 fix-xahar… għandek kopja tal-kuntratt?
AB: L-oriġinali għandi.
GH: Għandek l-oriġinali?
AB: U għandi l-business card.
GH: Għandi nifhem li l-media inti tajtomhom allura ?
AB: Le.
GH: Le?
AB: Le. M’għandix…saru jafu imma mhux jien. Imma jien kont bgħattu lil xi żewġt iħbieb.
GH: Bgħattu lil xi żewġt iħbieb?”
AB: Iva. Żewġt ħbieb.
GH: Tiegħek?
AB: Iva.
GH: Għax inti urejtu lin-nies dan il-kuntratt?
AB: Iva.
GH: Dawn se nagħmlu kopji tagħhom.
AB: Iva.
GH: Se nagħmel kopji ta’ kollox għax aħjar hekk.
AB: Iva.
GH: Għandek iżjed x’ittina ħalli nagħmlu kopji ta’ kollox?
AB: Dan kien fuq il-media, din il-karozza li tatu, għandu l-mowbajl, petrol, kollox imħallas mill-Ministeru. Sa xtratlu arloġġ fil-Milied.
GH: Kif taf li xtratulu hi?
AB: Għax filli ma kellux arloġġ, imbagħad l-għada tal-Milied kellu arloġġ… naħseb…
GH: Int qed tassumi li xtratlu l-arloġġ?
AB: F’Ottubru Daniel qaleb il-mowbajl mill-Vodafone għall-Melita għax kien diġà jaf li issa qed nagħmel kollox one plus one. Kien diġà jaf li se jkollu xogħol mal-Ministru u allura qaleb kollox. Anki l- email iżda dan ħallih fuq il-kompjuter u dan l-aħħar it-tifla skopriet u dħalna u naraw il-calls u l-messaġġi lil min jibgħat, jiġifieri għandi l-calls, li jċempel il-Ministru anke f’nofs il-lejl. U jien kont għadni d-dar, jiġifieri anke f’Novembru aħna konna ngħixu ma’ xulxin u hu kien qed iċempilha f’nofs il-lejl.
Anke issa wara logħba tal-football jew wara training kien iċemplilha biex jiltaqgħu. Għax jiena kont niffolowjah. Jien dik il-ħaġa li jkompli jigdeb jew li lit-tfal jgħidilhom li ommhom kisret il-familja mhux se naċċettaha.
