Il-Kantanta Maltija famuża ankè barra minn xtutna partikolarment fl-Italja, Emma Muscat, għal darb oħra uwriet il-kapaċita eċċelenti tal-vuċi tagħha, hekk kif nhar il-Ġimgħa kellha l-opportunita li tipparteċipa fil-kunċert famuż tal-Italja bl-isem ‘Concerto di Natale’ li ittella’ fl-‘Auditorium della Conciliazione’ f’Ruma.
Waqt dan il-kunċert Emma, tat verżjoni differenti tal-kanzunetta ikonika u sinonima ma’ dan il-perjodu ta’ festi ‘White Christmas’ fi spettaklu liema bħalu. Hija kienet akkumpanjata kemm minn orkestra, kif ukoll mill-pjanu li bdiet iddoqq hija stess.
Flimkien Emma ma’ Muscat tul dan il-kunċert ipparteċipaw diversi kantanti stabbiliti oħrajn inkluż Shaggy, Federico Rossi, Francesca Michielin u oħrajn.
B’dawn il-kisbiet riċenti, Emma Muscat kompliet tgħolli l-profil tagħha bħala kantanta stabillita, b’diversi nies jistennew fuq ix-xwiek biex jaraw din l-artista x’ser tiżvela fil-ġimgħat li ġejjin.
