L-attakkant Franċiż ta’ Manchester United Anthony Martial, qal lill-coach Ralf Rangnick li jrid iħalli lill-club fis-suq tat-trasferimenti ta’ Jannar. Rangnick qal li tkellem fit-tul ma’ Martial fejn spjegalu li hu jrid iħalli lit-tim hekk kif iħoss li issa huwa l-aħjar ħin sabiex iwettaq il-bidla.
Martial ta’ 26 sena beda biss żewġ partiti dan l-istaġun, bil-coach Rangnick jgħid li l-club għadu ma rċievix offerti b’mod uffiċjali għal Martial. Anthony Martial issieħeb ma’ Manchester United mingħand Monaco fl-2015 għas-somma ta’ £36 miljun. Hu rnexxielu jiskorja 79 gowl f’268 partita.
