Il-Pulizija ta’ West Mercia bagħtet ittra ta’ apoloġija lill-familja tal-eks-player ta’ Aston Villa Dalian Atkinson, sitt xhur wara li kien maqtul permezz ta’ teaser gun f’rasu. Il-kuntistabbli ta’ West Mercia Pippa Mills qalet li jiddispjaċiha ferm ta’ dak li seħħ.
Il-familja ta’ Atkinson, irreaġixxiet għal dan u qalet li dan il-qtil wera l-bżonn li l-pulizija u anke s-sistema ġudizzjarja tibda tħares u titratta l-persuni ta’ karnaġjon skur b’mod differenti.
Mills fl-ittra tagħha, qalet li hu obbligu tagħha li skond il-Konvenzjoni Ewropeja għad-Drittijiet tal-Bniedem titlob apoloġija ta’ dak li seħħ.
Dalian Atkinson beda l-karriera tiegħu bħala player ma’ Ipswich Town qabel ma kompla jilgħab ma’ Sheffield Wednesday u Real Sociedad fi Spanja. Atkinson għamel isem għall-karriera tiegħu ma’ Aston Villa fejn issieħeb fl-1991 fejn magħhom lagħab 85 partita u skorja 25 gowl.
