Stħarriġ tal-BA li ġie ppubblikat ftit tal-jiem ilu wera li l-istazzjon nazzjonali TVMnews+ huwa segwit biss minn 2.9%.
Matul is-sajf li għadda kien deċiż li l-programmi ta’ diskussjoni kollha li qabel kienu jixxandru fuq TVM issa kienu se jibdew jixxandru fuq dan l-istazzjon il-ġdid. Iżda jidher li din id-deċiżjoni ma tantx għamlet suċċess f’termini ta’ numri – kif filfatt wera dan l-isħarriġ li sar mill-Awtorità tax-Xandir. Minkejja dan, ħaddiema ġenwini li ilhom snin fil-PBS qed jindikaw illi din kienet propju l-intenzjoni vera tat-tmexxija.
Fil-fatt, in-numri tal-BA jikkonfermaw l-istrateġija tal-PBS li tpoġġi d-diskussjoni politika fuq stazzjon li għandu udejnza vera baxxa.
Intant, l-istess stħarriġ tal-Awtorità tax-Xandir wera li meta mqabbel ma’ Diċembru tas-sena l-oħra, Net Television reġa’ żied l-udjenzi tiegħu – din id-darba b’0.6 fil-mija. Fuq sena, l-istazzjon One naqqas 1.4 fil-mija.
