Raġel mill-Imġarr weġġa’ gravi wara li lbieraħ, għall-ħabta tal-5pm seħħ inċident f’barriera fi Triq Wied Filep, in-Naxxar.
Minn investigazzjoni preliminari rriżulta li r-raġel ta’ 53 sena residenti l-Imġarr kien qed jaħdem biswit makkinarju li ċċaqlaq u waqa` fuq saqajh.
Hu ngħata l-assistenza minn tim mediku, ittieħed l-Isptar Mater Dei b’ambulanza u ġie ċċertifikat li sofra ġrieħi gravi.
L-investigazzjonijiet tal-Pulizija għadhom għaddejjin.
