Pulizija u membri tal-Protezzjoni Ċivili issejħu f’Ħaż-Żabbar wara li raġel weġġa’’ f’xaft f’residenza fi Triq John Delia.
Il-każ seħħ ftit wara l-12:15pm.
Fil-post wasal ukoll tim mediku mill-Isptar Mater Dei.
Kelliem għall-Korp spjega ma’ Net News li l-ħaddiem weġġa’ wara li waqgħet injama fuqu.
Jidher iżda li hu, fortunatament, ma ġarrabx feriti serji.
Inċidentalment, f’April tas-sena li għaddiet, f’din l-istess triq kienet seħħet traġedja wara li miet raġel illi kien waqa’ għoli ta’ ħames sulari. Il-vittma ta’ 59 sena kien qed jagħmel xi xogħol fuq il-bejt.
