L-union tal-Pulizija tinsab urtata u qed tistaqsi għaliex l-Avukat Ġenerali qabad u ftiehem ma’ Darren Debono magħruf bħala “It-Topo” fuq il-piena li kellha tingħata wara li ammetta li kien involut mal-attentat ta’ ‘hold-up’ tal-HSBC f’Ħal Qormi fl-2010. Parti mill-ftehim kien li akkuża ta’ attentat ta’ qtil fil-konfront ta’ żewġ Pulizija niżlet għal attentat ta’ feriti gravi.
Il-Malta Police Union qalet li qed tagħmel referenza, mingħajr ma tidħol fil-merti tal-ħtija ta’ persuna, involviment jew kull dritt ieħor li xi ħadd ikollu biex jiddefendi lilu nnifsu fil-Qorti tal-Liġi flimkien ma’ xi provi jista’ jressaq akkużat dwar dak li seħħ barra l-fergħa tal-HSBC fejn kienu sparata aktar minn 60 tir.
L-Union qalet li tirrispetta l-fatt li kulħadd huwa innoċenti sakemm jiġi ppruvat ħati minn Qorti tal-Liġi. Il-Malta Police Union qalet ukoll li tinsab skantata u diżappuntata bil-fatt li l-Avukat Ġenerali qabel ma’ patteġġament (ftehim) li sar ma’ suspettat ta’ attentat ta’ qtil ta’ numru ta’ pulizija marbuta ma’ ġlieda b’armi tan-nar, li seħħet barra l-fergħa tal-HSBC f’Ħal Qormi mal-istess uffiċjali tal-pulizija.
“Il-ftehim kien jinkludi l-akkużi ta’ attentat ta’ omiċidju li setgħu wasslu għal ħafna aktar qawwija sentenza titwaqqa mill-Avukat Ġenerali. Dan huwa pass ieħor li qed jikkawża demotivazzjoni kbira fost l-uffiċjali tagħna. M’hemm l-ebda rispett għax-xogħol importanti u perikoluż li jagħmlu l-uffiċjali tagħna ta’ kuljum” qalet il-Union.
Il-Malta Police Union tfakkar li l-ġustizzja mhux biss trid issir, iżda trid tidher ukoll li qed issir. F’dan il-każ is-sistema tal-ġustizzja kif saret mill-Avukat Ġenerali falliet bil-kbir. L-Union tal-Pulizija ta’ Malta stiednet lill-Avukat Ġenerali, li f’sitwazzjoni simili fuq ġlieda l-armi, meta terġa’ sseħħ, hi u membri tal-istaff tagħha jattendu fuq il-post, biex jaraw kif iħossuhom huma meta jkunu viiċn il-mewt, u meta din tkun daqshekk fil-qrib.
Il-PN u Repubblika tal-istess fehma
Il-Partit Nazzjonalista u l-Għaqda Repubblika huma tal-istess fehma fuq il-każ fejn qed jingħad li L-Avukat Ġenerali għandha d-dmir li tispjega r-raġunijiet l-ftehim li sar ma’ wieħed mis-suspettati tal-‘hold-up’ tal-HSBC. Dan il-ftehim wassal biex Daren Debono jingħata sentenza ta’ 10 snin u nofs ħabs u multa ta’ €18,000 għas-sehem tiegħu ff’dan ir-reat.
Il-‘hold-up’ armat spiċċa fi sparaturi mal-uffiċjali tal-pulizija. Repubblika qalet li l-AĠ kellha tispjega għaliex għażlet li ma tingħatax sentenza aktar severa, minħabba ċ-ċirkostanzi tal-każ, u marret għal hekk imsejjaħ ‘plea bargain’. Il-Partit Nazzjonalista saħaq fuq it-trasparenza fid-deċiżjoni tal-AĠ.
Minn naħa tagħha Repubblika rrikonoxxiet ftehim bħal dain huwa prattika aċċettata u normalment riżervata għal każijiet meta l-prosekuzzjoni ma tkunx ċerta li tista’ tikseb verdett ta’ ħtija. Qalet li f’dan il-każ, is-suspettat kien weġġa’ fuq il-post waqt l-isparaturi mal-pulizija u ma deherx li kien hemm dubji dwar l-involviment tiegħu fir-reat serju.
“B’dan il-‘plea bargain agreement’, l-Avukat Ġenerali sagrifika l-possibbiltà li jassigura s-sentenza massima kkontemplata fil-liġi għal reat serju ħafna, L-Avukat Ġenerali għandu jagħti lill-pubbliku spjegazzjoni b’raġunijiet validi għal dan is-sagrifiċċju.
Għalkemm dan it-tip ta’ ftehim jitqies fil-liġi bħala sostitut għall-ġuri, l-obbligu li l-ġustizzja tidher li ssir ma jieqafx,” qalet ir-Repubblika. Il-grupp innota wkoll li f’dan il-każ partikolari kien tefa’ dell tqil fuq il-Ministru tal-Gvern Carmelo Abela u l-eks Ministru Chris Cardona.
Tal-ewwel kien allegat li pprovda informazzjoni privileġġata użata mill-kriminali biex jiksbu aċċess għall-bank, filwaqt li tal-aħħar ġie akkużat li kien moħħ. Iż-żewġt irġiel kienu ċaħdu l-allegazzjonijiet. “L-Avukat Ġenerali għandu jassigura lill-pubbliku li dan il-‘plea bargain agreement’ se jirriżulta f’evidenza ġdida dwar dan il-każ, u mhux jintuża biex jaħbi provi jew jiskredita xhieda li jistgħu jimplikaw nies li kienu jew huma involuti fil-politika,” wissiet l-NGO.
Żiedet tgħid ukoll li l-AĠ igawdi mill-indipendenza biex jiżgura li l-politiċi u l-kriminali ma jinfluwenzawx il-proċess ġudizzjarju biex ikunu jistgħu jaħarbu mill-ġustizzja. “L-indipendenza tfisser responsabbiltà u responsabbiltà,” qalet Repubblika.
