Disfatta għat-tim mill-Premier League Newcastle, li fit-tielet round tal-FA Cup kienu megħluba minn Cambridge United bl-iskor ta’ 1-0. Kien gowl fit-tieni taqsima ta’ Joe Ironside li ikkundanna lil Newcastle għal telfa umiljanti u eliminazzjoni mill-FA Cup.
Chelsea wkoll għamluha għar-round li jmiss meta fi Stamford Bridge huma għelbu lil Chesterfield bl-iskor ta’ 5-1. Chelsea għalqu l-partita fl-ewwel taqsima hekk kif daħlu jistrieħu b’erba’ gowls vantaġġ. Kien Timo Werner li fetaħ l-iskor fis-6 minuta qabel Callum Hudson-Odoi rdoppja fit-18-il minuta. Chelsea skorjaw it-tielet gowl fl-20 minuta permezz tal-attakkant Belġjan Romelu Lukaku, b’Andreas Christensen jiskorja r-raba’ gowl, ħames minuti qabel tmiem l-ewwel taqsima. Chelsea għamluhom ħamsa fil-55 minuta permezz ta’ penalty ta’ Hakim Ziyech, b’Chesterfield jiskorjaw gowl ta’ konsolazzjoni fit-80 minuta permezz ta’ Akwasi Asante.
Fil-partita bejn żewġ timijiet tal-Premier League Leicester għelbu faċilment lil Watford bl-iskor ta’ 4-1. Youri Tieleman fetaħ l-iskor għal Leicester fis-7 minuta minn penalty, qabel fil-25 minuta James Maddison rdoppja għat-tim immexxi minn Brendan Rodgers. Watford naqqsu d-distakk żewġ minuti wara permezz ta’ Joao Pedro, biex fit-tieni taqsima gowl ta’ Harvy Barnes fil-54 minuta u Marc Albrighton fil-85 minuta aċċertaw minn rebħa għal Lecieter.
FA CUP
Illbieraħ: Swindon v Man City 1 Illum: Mansfield v Middlesbrough 2-3, Bristol v Fulham 0-1, Burnley v Huddersfield 1-2, Coventry v Derby 1-0, Hartlepool v Blackpool 2-1, Milwall v C’Palace 1-2, Barnsley v Barrow 5-4, Borehom v Wimbledon 2-0, Kidderminster v Reading 2-1, Leicester v Watford 4-1, Newcastle v Cambridge 0-1, Peterborough v Bristol R. 2-1, Port Vale v Brentford 1-4, QPR v Roterham 1-1, West Brom v Brighton 1-2, Wigan v Blackburn 3-2, Birmingham v Plymouth 0-1, Chelsea v Chesterfield 5-1, Hull City v Everton 2-3, Swansea v Southampton 2-3, Yeovil v Bournemouth 1-3 Għada: Luton v Harrogate 1.30pm, Cardiff v Preston 3.00pm, Charlton v Norwich 3.00pm, Liverpool v Shewsbury 3.00pm, Stoke v Leyton Orient 3.00pm, Tottenham v Morecambe 3.00pm, West Ham v Leeds 3.00pm, Wolves v Sheff. Utd 3.00pm, Nottingham F. v Arsenal 6.10pm It-Tnejn: Man Utd v Aston Villa 8.55pm
