Il-midfielder ta’ Manchester United Paul Pogba mistenni jirritorna għal-logħob fix-xahar matul ix-xahar Frar hekk kif għadu qed jirkupra minn injury f’koxxtu. Dan qalu l-coach Ralf Rangnick waqt li kien qed jindirizza mistoqsija dwar il-futur tal-Franċiż.
Pogba lagħab l-aħħar għal Manchester united f’Novembru li għadda meta Manchester United kienu temmew fi draw ta’ 2-2 kontra Atalanta. Minn dan ix-xahar Pogba jista’ jilħaq ftehim ma’ kwalunkwe club barra minn l-Ingilterra hekk kif il-kuntratt tiegħu jiġi fi tmiemu fl-aħħar tal-istaġun, bid-diskussjonijiet ma’ Manchester United dwar l-estensjoni tal-kuntratt jidher li għadhom ma bdewx.
