Fl-aħħar sigħat ir-Russja kompliet tibgħat aktar ajruplani u vetturi militari lejn il-Każakistan. Il-militar li qed jasal fuq din l-art eks Sovjetika qed ikun deskritt bħala peacekeepers, b’rapporti tal-Punent jinsabu xetiċi fuq kemm fir-realtà dan huwa minnu, bi tħassib li r-Russja qed tieħu vantaġġ mis-sitwazzjoni biex issaħħaħ il-preżenza tagħha f’dan il-pajjiż ġar tagħha.
Il-mexxej awtoritarju tal-Każakistan ikkonferma li ħareġ direttivi lill-qawwiet tas-sigurtà biex jiftħu n-nar bla twissija fuq dawk kollha li qed jipprotestaw fit-toroq.
