Id-difensur Joseph Zerafa huwa player ġdid ta’ Hibernians wara li ntlaħaq ftehim ma’ Valletta biex id-difensur ta’ 33 sena jissieħeb mal-club minn Raħal Ġdid. Din l-aħbar kienet ikkonfermata l-Ħadd filgħaxija mit-Team Manager Jesmond Abela waqt il-programm Replay, b’Zerafa matul il-jum tat-Tnejn jiffirma kuntratt ta’ sentejn u nofs.
Din mhix l-ewwel esperjenza għal Zerafa ma’ Hibernians hekk kif fil-passat kien ukoll player tal-istess tim. Ma’ Valletta, Zerafa fost l-oħrajn rebaħ darbtejn il-Kampjonat Premier.
