Raġel ta’ 41 sena residenti ż-Żurrieq qed isofri ġrieħi gravi wara li għal xi 7.00pm kellu jittieħed l-Isptar Mater Dei għax weġġa’ f’inċident tat-traffiku fi Triq Wied iż-Żurrieq, il-Qrendi.
Mill-istħarriġ li sar irriżulta li l-vittma tilef il-kontroll tal-mutur li kien qiegħed isuq, tat-tip Kymco, u waqa’.
Aktar tard, hu ġie ċċertifikat li weġġa’ gravi. Il-Pulizija għaddejja bl-investigazzjonijiet fuq il-każ.
