Raġel min-Nepal weġġa’ bi ġrieħi gravi wara li s-Sibt filgħaxija għall-ħabta tal-10.30pm seħħet ħabta bejn inċident tat-traffiku fi Triq Diċembru Tlettax, il-Marsa.
Minn stħarriġ li sar irriżulta li kienet seħħet ħabta bejn mutur Suzuki, misjuq minn raġel min-Nepal ta’ 28 sena residenti San Pawl il-Baħar, u Mazda Demio, misjuqa minn raġel ta’ 29 sena residenti s-Siġġiewi.
Fuq il-post issejjaħ tim mediku u ambulanza ħadet lix-xufier tal-mutur l-Isptar Mater Dei sabiex jingħata l-kura meħtieġa. Aktar tard, hu ġie ċċertifikat li qed isofri minn ġrieħi ta’ natura gravi.
L-investigazzjonijiet tal-Pulizija għadhom għaddejjin.
