Celtic kisbu rebħa dominanti ta’ 3-0 fuq ir-rivali tagħhom Rangers biex b’hekk telgħu fil-quċċata tal-klassifika b’punt vantaġġ fuq l-istess Rangers. Celtic fetħu l-iskor fil-5 minuta meta minn corner minn fuq il-lemin id-difiża ta’ Rangers naqqset milli tbiegħed il-periklu bil-ballun jaqa’ f’saqajn Reo Hatate li b’xutt fil-baxx għeleb lill-goalkeeper Allan McGregor għal 1-0. Ranger rdoppjaw fit-42 minuta meta għal darb’oħra reġa’ kien Reo Hatate li b’konklużjoni preċiża minn tarf il-kaxxa xeħet fix-xibka għal 2-0. Celtic prattikament għalqu l-partita u daħlu jistrieħu bi tliet gowls vantaġġ meta fl-44 minuta minn cross ta’ Hatate kien Liel Abada li daħal tajjeb u tefa’ fix-xibka għal skor finali ta’ 3-0.
