F’digriet li tagħat il-Maġistrat Monica Vella bagħtet l-atti lill-Qorti Kriminali fejn qalet li ma għandhiex is-setgħa u l-poteri li tiddeċiedi fuq talba għal xhieda addizzjonali dwar l-ammissibbiltà ta’Darren Debono magħruf bħala “It-Topo” Ix-xhieda ta’ Debono.
Għaldaqstant għadu mhux ċar jekk Debono hux se jixhed kontra Vincent Muscat, magħruf bħala l-Koħħu fil-każ li huwa kien involut fih fejn ammetta l-involviment tiegħu fl-attentat ta’’hold up’ fuq il-fergħa ewlenija tal-HSBC f’Ħal Qormi fl-2010 fejn fiha ġew sparati għad ta’ tiri lejn il-Pulizija.
Il-Maġistrat Monica Vella kellha tisma’ x-xhieda ta’ Debono, imma meta qrat id-digriet tagħha, qalet li l-poteri tal-qorti tagħha kienu limitati għall-kompitu li ngħatalha mill-Qorti Kriminali. “Konsegwenza ta’ dan, din il-qorti ma tistax tiddeċiedi fuq it-talba tad-difiża biex tisma’ xhieda oħra,” qalet b’referenza għall-argumenti tad-difiża li Debono ma setax jixhed peress li kien interdettjat.
Id-difiża ta’ Muscat, immexxija mill-avukati Franco Debono u Robert Montalto, talbu wkoll it-taħrika tal-eks Asssistent Kummissarju tal-pulizija Norbert Ciappara, biex jikkonferma l-interdizzjoni ta’ 20 sena ta’ Debono għal xhieda falza f’ġuri.
Iżda l-Maġistrat Vella qalet li l-qorti tagħha kienet limitata għall-kompitu mogħti mill-Qorti Kriminali, u għalhekk ma setgħetx tiddeċiedi fuq it-talba tad-difiża biex tisma’ xhieda oħra. “U lanqas ma tista’ tieħu deċiżjoni dwar l-eċċezzjoni ta’ inammissibbiltà tax-xhud, imqajma mid-difiża. Madankollu, din il-qorti hija tal-fehma li dawn il-punti għandhom jiġu eżaminati qabel ma tibda tisma’ lix-xhud u dan fid-dawl tad-dritt tal-akkużat għal smigħ xieraq, jekk xejn.”
Il-Qorti mbagħad bagħtet l-atti lura lill-Qorti Kriminali, “sabiex tagħti kull opportunità lid-difiża tagħmel it-talba tagħha biex issejjaħ aktar xhieda dwar il-proċeduri ta’ falz ġuri u s-sentenza relattiva għall-interdizzjoni fir-rigward tax-xhud u tagħmel l-ilment. ta’ inammissibbiltà tax-xhud quddiem il-Qorti Kriminali.”
Vella qalet li ma kien hemm xejn li jipprekludi lill-Qorti Kriminali milli tisma’ l-ilment ta’ Muscat, filwaqt li rrimarkat li l-akkużat għad għandu l-opportunità li jesebixxi evidenza kuntrarja, lill-ġurija.
Il-ġuri fil-konfront ta’ Muscat min-naħa tiegħu fuq fil-hold-up li ma żmerċ tal-2010 fil-kwartieri ġenerali tal-HSBC suppost kellu jibda aktar kmieni din is-sena, iżda ġie spiċċa differit ‘sine die’ bl-ammissjoni fl-aħħar minuta li għamel il-ko-akkużat tiegħu minn Daren Debono, wara patteġġjament (ftehim) mal-prosekuzzjoni.
Dan il-ftehim kien qajjem kritika kbira minn naħa tal-Pulizija wara li l-akkuża ta’ attentat ta’ qtil fuq żewġ membri tal-Korp tal-Pulizija, fejn allegatament ġew sparati lejhom mal-65 tir, ġiet ridotta għall-akkużi ta’ attentat ta’ feriti gravi. Mal-amissjoni Debono kien ikkundannat għal 10 u nofs priġunerija u multa ta’ 18,000 ewro. Il-ftehim kien intlaħaq għall-ħabta tat-8pm lejliet il-ġuri.
Meta kien se jibda’ l-ġuri, l-avukati ta’ Muscat kienu oġġezzjonaw bil-qawwa kollha li Debono li kien għadu kif instab ħati, kien se jiġi prodott bħala xhud tal-prosekuzzjoni. Sostnew li Debono ma kienx instema’ bħala parti mill-kumpilazzjoni tal-provi u li dan ċaħħadhom mill-opportunità li jisimgħu dak li kellu xi jgħid u jippreparaw id-difiża tagħhom kif xieraq.
Sussegwentement il-Qorti Kriminali bagħtet il-każ lura lill-Qorti tal-Maġistrati, sabiex il-proċeduri ta’ kumpilazzjoni jerġgħu jibdew u jinstema’ x-xhud il-ġdid. L-avukati Franco Debono, Roberto Montalto huma avukati difensuri għal Debono. L-Avukat Giannella Busuttil mill-Uffiċċju tal-Avukat Ġenerali u l-Ispettur tal-Pulizija Joseph Mercieca qed imexxu l-prosekuzzjoni.
