Valletta ħabbru li neħħew uffiċjalment lill-coach António José Cardoso Mendes minn din il-kariga wara serje ta’ sitt partiti mingħajr rebħa fil-Kampjonat BOV Premier. Il-club u l-coach laħqu ftehim biex ikun terminat il-kuntratt tiegħu. Aktar kmieni l-paġna ta’ Replay (Net Television) ħabbret lil Valletta laħqu ftehim mal-coach Danilo Doncic sabiex jieħu f’idejh it-tmexxija tat-tim Belti.
Toze Mendes ħa t-tmexxija tal-iskwadra ewlenija f’Diċembru tal-2020, madankollu, din l-esperjenza ftit li xejn kienet pożittiva hekk kif Valletta jinsabu fis-7 post tal-Kampjonat Premier, bi 3 telfiet u 7 draws minn 16-il logħba.
