Matthias Mizzi
Gudja ……………………… 0
Birkirkara ……………….. 1
Gudja: G. Zammit, R. Muchardi, T. Gusman (39’ M. Dias), J. Arthur, G. Mensah, A. Selemani, H. Vella (82’ A. Friggieri), N. Tabone, J. Ramires, N. Micallef, N. Dzalamidze (76’ L. Cremona)
Birkirkara: A. Syalla, E. Pepe, Y. Yankam, L. Montebello (80’ J. Nsumoh), C. Bonanni, R. Scicluna, B. Ngissah (46’ F. Falcone), O. Carniello, L. Aguirre, K. Bevis (90’ K. Zammit), D. Venancio
Imwissija: 3’ O. Carniello, 77’ E. Pepe
Skorjaw: D. Venancio
Referee: Trustin Farrugia
Assistenti Referees: Luke Portelli & Duncan Sultana
Raba’ Uffiċjal: Ishmael Barbara
BOV Plejer tal-Logħba: D. Vanencio (BKR)
F’partita bbilinċjata miż-żewġ timijiet, Bikirkara għelbu lit-tim ta’ Gudja li sa’ dan il-konfront kienu ġejjin minn tliet rebħiet konsekuttivi. Minkejja t-telfa minima Gudja kkontrollaw tajjeb lill-avversarji iżda ftit li xejn kienu perikolużi fuq l-attakk. Fuq in-naħa l-oħra Birkirkara komplew bit-taqtigħa ma’ Floriana u Hibernians fin-naħa ta’ fuq tal-klassifika.
F’bidu movimentat, l-ewwel li marru qrib kienu Birkirkara b’xutt ta’ Bismark Ngissah minn mal-ġenb. Ħames minuti wara Luke Montebello tilef opportunità tad-deheb meta d-difiża ta’ Gudja ma leħħitx il-periklu fil-kaxxa ż-żgħira. Fl-20 minuta Birkirkara sarrfu l-isforzi tagħhom f’gowl meta minn free-kick mid-distanza Diego Venancio ssorprenda ‘l kulħadd b’xutt preċiż u li ma ħalla l-ebda ċans għal Zammit.
Fit-tieni taqsima Gudja kienu xi ftit aħjar fuq l-attakk biex fil-75 minuta Gabriel Mensah avvanza min-nofs il-ground, għadda bejn numru ta’ plejers Kalkariżi iżda l-konklużjoni tiegħu kienet waħda ċentrali. Gudja komplew jippressaw fl-aħħar minuti biex fit-82 minuta Mensah ikkontrollaw pass preċiż mill-bogħod ta’ Jake Friggieri għal fuqu, bil-gowlkeeper kellu jiddevja l-konklużjoni f’corner. Minkejja l-isforzi tagħhom fl-aħħar mumenti tal-partita l-Gudjani ma setgħux jegħlbu lid-difiża ta’ Birkirkara biex il-gowl ta’ Vanencio ta tliet punti kruċjali lill-Istripes.
