Wara l-ewwel tliet’ijiem mill-ftuħ tal-Olimpadi tax-Xitwa f’Beijing l-Iżvezja, l-Kumitat Olimpiku Russu u l-Olanda jinsabu fl-ewwel, fit-tieni u fit-tielet post rispettivament fil-klassifika tal-midalji. Min-naħa l-oħra il-Gran Brittanja iddiżappuntaw hekk kif għadhom ma kisbu l-ebda midalja, b’ Jennifer Dodds u Bruce Mouat jkunu eliminati fis-semi finali fil-kategorija tal-mixed doubles fil-curling.
L-Amerikana Mikael Schiffrin kienet eliminata fl-alpine slalom filwaqt li l-isnowboarder Kanadiż Max Parrot rebaħ il-midalja tad-deheb fl-islopestyle. Kirsty Muir ta’ 17-il sena, li hija l-iżgħar membru tat-Team GB għaddiet għall-finali tal-freestyle Big Air competition. Is-Slovenja wkoll kellhom suċċess fir-raba’ ġurnata hekk kif it-tim Sloven kompost minn Nika Kriznar, Timi Zajc, Ursa Bogotaj u Peter Prevc rebaħ il-midalja tad-deheb fil-mixed team ski jumping.
