L-impriżi kummerċjali ewlenin u l-ekonomisti ta’ Malta qed ibassru żieda fil-prezz tal-biċċa l-kbira tal-ikel u l-bżonnijiet ta’ kuljum, l-aktar minħabba ż-żieda dinjija fit-tariffi tal-merkanzija u fatturi oħra, inkluż il-COVID.
L-ikel, żdied bl-ogħla rata fl-aħħar erba’ snin u huwa ċans żgħir biss li jibda jonqos qabel Ottubru 2022, bis-supermarkits jistmaw żieda ta’ 15% b’mod ġenerali.
F’każ wieħed kien irrappurtat li l-ispejjeż tal-merkanzija ta’ kontejner, li qabel kienu ta’ bejn €2,000 u €3,000, issa telgħu sa €17,000 .
Importaturi, li jakkwistaw prodotti mill-Italja u b’mod partikolari Sqallija, ma rawx żieda fit-tariffi tal-merkanzija.
Il-bejjiegħa qed jieħdu vantaġġ sħiħ mill-offerti tal-Virtu u qed jixtru ħafna minn Sqallija biex inaqqsu l-ispejjeż.
Virtu Ferries issa qed joperaw żewġ bastimenti bi vjaġġi ta’ kuljum f’ħin konvenjenti, diversi drabi fil-ġimgħa.
Il-frekwenza tal-vjaġġi hija ta’ importanza partikolari għall-importaturi, u tippermetti xiri minn Sqallija, mingħajr ebda spejjeż addizjonali.
