Kayden Lagana rnexxielu jagħmel 300 punt għall-ewwel darba waqt iċ-Cisk double league biex l-iżgħar Malti li qatt għamel dan, filwaqt li waqqaf rekord nazzjonali. B’hekk Lagana rnexxielu jikseb score perfett bi 12-il strike konsekuttivi. Matul l-2021 Lagana rnexxielu jirbaħ it-titlu nazzjonali tal-bowling ta’ taħt is-16-il sena u ta’ taħt it-23 sena. Lagana għamel dan waqt li kien qed jikkompeti flimkien ma’ Sue Abela, li hija ċ-champion lokali u Ewropea tat-Ten Pin Bowling.
