Żabbar St. Patrick jitilgħu fit-tielet post

L-Erbgħa filgħaxija ntlgħabet it-tieni taqsima tal-partita bejn Żabbar St. Patrick u Kirkop United, wara li l-logħba li oriġinarjament bdiet tintlagħab fil-21 ta’ Jannar, ġiet posposta qabel il-bidu tat-tieni taqsima wara ħsara fis-sistema tal-elettriku fil-grawnd. Sa tmiem l-ewwel taqsima Żabbar kienu qed jirbħu 1-0 permezz ta’ goal ta’ Philip Chircop, biex fit-tieni taqsima li tkompliet nhar l-Erbgħa, it-tim ta’ Żabbar skurja gowl ieħor permezz ta’ Jean Pierre Mifsud Triganza mill-11-metru fid-69 minuta, biex sa tmiem il-logħba l-iskor baqa ma nbidilx għal rebħa Żabbarija ta’ 2-0.

B’din ir-rebħa Żabbar St. Patrick telgħu bl-istess punti daqs Mtarfa fit-tielet post tal-klassifika, f’dak li jidher li se jkun kampjonat missielet.