L-Olanda kisbu midalja oħra tad-deheb din id-darba fil-kategorija tar-relay tax-short track speed skating tat-3000 metru. It-tim magħmul minn Suzanne Schulting, Selma Poutsma, Xandra Velzeboer u Yara van Kerkhof iddedikaw din il-midlaja lil Lara van Ruijeven, atleta li tilfet ħajjitha fl-2020, li kienet parti mit-tim li kiseb il-midalja tal-bronż fi Pyeongchang, fl-2018.
Huma temmew qabel il-Korea t’Isfel u ċ-Ċina li spiċċaw fit-tieni u t-tielet post rispettivament. Fl-Alpine Skating, l-Iżvizzeru Marco Odermatt sfida it-temp estrem li ħakem il-belt ta’ Beijing biex rebaħ il-midalja tad-deheb. Fit-tieni u fit-tielet post temmew Zan Kranjec tas-Slovenja u l-Franċiż Mathieu Faivre.
Intant in-Norveġja jinsabu fl-ewwel post tal-klassifika b’disa’ midalji tad-deheb, bil-Ġermanja fit-tieni post bi tmien midalji tad-deheb, segwiti mill-Istati Uniti b’sitt midalji.
