Milan kisbu rebħa minima ta’ 1-0 fuq Sampdoria biex telgħu fl-ewwel post tal-klassifika b’55 punt, b’punt aktar minn Inter iżda b’logħba aktar. Il-gowl deċiżiv tal-partita wasal fit-8 minuta meta minn pass fit-tul tal-goalkeeper Mike Maignan, kien Rafael Leao li sab ruħu wiċċ imb’wiċċ mal-goalkeeper biex xeħet fix-xibka għal 1-0.
F’konfront dirett għar-raba’ post fil-klassifika gowl fil-ħin miżjud kien biżżejjed għal Juventus sabiex iżommu d-distakk ta’ żewġ punti fuq Atalanta b’46 punt kontra l-44 punt ta’ Atalanta li iżda lgħabu partita anqas . 0 – 0 sa tmiem l-ewwel taqsima . Minkejja li Atalanta ddominjaw għal ħinijiet twal rari impenjaw serjament lil Szczesny . L-andament matul it-tieni taqsima baqa’ l-istess bid-differenza li fis-76 minuta Atalanta marru fil-vantaġġ. Minn azzjoni ta’ Remo Freuler kien RUSLAN MALINOVSKY li għeleb lil Szczesny. Reazzjoni minn Juventus li iżda kellhom jistennew sat-tieni minuta fil-ħin miżjud meta minn azzjoni ta’ Paulo Dybala kien DANILO li għeleb lil Marco Sportiello għal 1 – 1.
Roma temmew fi draw ta’ 1-1 kontra Sassuolo. Fl-ewwel minuta tal-ħin miżjud fi tmiem l-ewwel taqsima, Vlad Chiriches deher li lagħab b’idu , ir-referee Mario Guida kkonsulta l-VAR . Saffar penalty b’TAMMY ABRAHAM jgħeleb lil Andrea Consigli biex poġġa lil Roma fil-vantaġġ. Sassuolo fetħu t-tieni taqsima fuq l-offensiva tant li fis-47 minuta minn azzjoni ta’ Giorgios Kyriakopoulos lejn HAMED DRAORE li bil-ballun imxellef minn Chris Smalling għeleb lil Rui Patricio 1 – 1 . Fit-73 minuta Sassuolo fil-vantaġġ b’gowl minn HAMED TRAORE li kien wkoll ikkonvalidat bil-VAR. Fit-78 minuta tkeċċa għal Sassuolo GIAN MARCO FERRARI wara ammonizzjoni doppja. Fir-raba’ minuta ta’ ħin miżjud fl-aħħar azzjoni tal-partita kien BRYAN CRISTANTE li minn azzjoni ta’ Jordan Veretout għeleb lil Consigli għat 2 – 2 .
SERIE A
Ilbieraħ: Lazio v Bologna 3-0, Napoli v Inter 1-1, Torino v Venezia 1-2 Illum: Milan v Sampdoria 1-0, Empoli v Cagliari 1-1, Genoa v Salernitana 1-1, Verona v Udinese 4-0, Sassuolo v Roma 2-2, Atalanta v Juventus 1-1 Għada: Spezia v Fiorentina 8.45pm
