Permezz ta’ stqarrija fuq il-paġna ta’ Facebook, Ħamrun ħabbru li neħħew lil Mark Buttigieg mill-kariga ta’ coach ta’ Ħamrun Spartans. Ħamrun irringrazzjaw lil Buttigieg għax-xogħol li siewi li għamel mal-club fejn mexxa lill-iskwadra għar-rebħ tal-Kampjonat BOV Premier l-istaġun li għadda. Buttigieg tneħħa minn coach wara t-telfa ta’ 1-0 kontra Gudja li ħalliet lil Ħamrun fil-5 post, 13-il punt wara l-leaders Hibernians.
Mark Buttigieg ħa f’idejh it-tmexxija tal-klabb fil-bidu tal-era tal-President Joseph Portelli fejn wassal lil Ħamrun għar-rebħ tal-Kampjonat wara tletin sena. Dan l-istaġun Ħamrun kellhom staġun diżappuntanti fejn s’issa ma ntlaħqitx l-aspetattiva li saret fil-bidu tal-istaġun.
