Sliema Wanderers neħħew lill-coach Andrea Pisanu wara d-draw ta’ 1-1 fl-aħħar ħarġa tagħhom kontra Santa Lucia. L-assistent coach Noel Turner ħa f’idejh it-tmexxija tal-club temporanjament, bil-club jidher li jinsab f’diskussjonijiet biex jinħatar coach ġdid. Pisanu kien ilu sa minn Frar tal-2020 fit-tmexxija tal-iskwadra ewlenija ta’ Sliema Wanderers wara li l-club u l-eks kowċ Alfonso Greco kienu laħqu ftehim biex iħalli l-klabb. Sliema Wanderers jinsabu fl-aħħar post tal-klassifika bi 11-il punt minn 18-il partita.
