Mill-UEFA Europa League fin-Nou Camp Barcelona u Napoli temmew fi draw ta’ 1-1. Fid-29 minuta Napoli fil-vantaġġ. Minn azzjoni ta’ Elmas kien PIOTR ZIELINSKI li għeleb lil Marc Andre’ Ter Stegen. Reazzjoni minn Barcelona li iżda kien fid-59 minuta li għamlu l-iskor 1 – 1 . Xutt ta’ Adama Traore deher imxellef minn id Juan Jesus. Wara konsultazzjoni mal-VAR, Barcelona ingħataw penalty b’FERRAN TORRES għeleb lil Alex Meret.
F’partita oħra Rangers umiljaw lil Borussia Dortmund meta għelbuhom f’darhom stess bl-iskor ta’ 4-2. Fit-38 minuta Rangers marru fil-vantaġġ minn penalty mgħoti minn JAMES TAVERNIER li għeleb lil Gregor Kobel. Fil-41 minuta Rangers irduppjaw permezz ta’ ALFREDO MORELOS minn azzjoni ta’ Joe Aribo sabiex fid-49 minuta minn pass ta’ Ryan Kent kien JOHN LUNDSTROM li għamel l-iskor 3 – 0 . Fil-51 minuta minn azzjoni ta’ Raphael Guerriero kien JUDE BELLINGHAM li għeleb lil Allan McGregor biex naqqas l-iskor għal Borussia. L-iskor sar 4 – 1 fl-54 minuta minn auto-goal ta’ DAN AXEL ZAGADOU sabiex fit-82 minuta Borussia naqqsu l-iskor permezz ta’ RAPHAEL GUERRIERO minn azzjoni ta’ Bellingham.
Min-naħa l-oħra f’Estadio De Dragao Porto kisbu rebħa mportanti fuq Lazio bl-iskor ta’ 2-1. Fit-23 minuta Lazio marru fil-vantaġġ. Minn azzjoni ta’Luis Alberto kien MATTIA ZACCAGNI li għeleb lil Diogo Costa. Reazzjoni immedjata minn Porto li fis-37 minuta kisbu l-gowl tad-draw permezz rta’ ANTONIO MARTINEZ li minn azzjoni ta’ Joao Mario għeleb lil Thomas Strakosha. Fid-49 minuta minn pass ta’ Joao Mario kien mill-ġdid ANTONIO MARTINEZ li għeleb lil Strakosha għat 2 – 1.
Fil-Gewiss Stadium Atalanta wkoll kisbu rebħa ta’ 2-1 fuq Olympiacos. Fis-16 il-minuta Olimpiacos kontra x-xejra tal-logħob fetħu l-iskor. Minn pass ta’ Giorgio Masouras kien TIQUINHO SOARES li għeleb lil Juan Musso fl-uniku gowl matul l-ewwel taqsima. Fit-tieni taqsima b’Atalanta fuq l-offensiva, fil-61 minuta minn azzjoni ta’ Ruslan Malinovsky kien BERAT DJIMSITI li għeleb lil Tomas Vaclik. Żewġ minuti wara kien l-istess DJIMSITI li poġġa lil Atalanta 2 – 1 fil-vantaġġ.
UEFA EUROPA LEAGUE
Illum: Barcelona v Napoli 1-1, B.Dortmund v Rangers 2-4, FC Sheriff v SC Braga 2-0, Zenit v Real Betis 2-3, Atalanta v Olympiacos 2-1, Porto v Lazio 2-1, RB Leipzig v Real Sociedad 2-2, Sevilla v D.Zagreb 3-1
UEFA CONFERENCE LEAGUE
Illum: FC Midtylland v PAOK 1-0, Fenerbache v Slavia Prague 2-3, PSV v Maccabi Tel Aviv 1-0, Rapid Wien v Vitesse 2-1, Celtic v Bodoe 1-3, Leicester v Randers 4-1, Marseille v Qarabag 3-1, Sparta Prague v Partizan Belgrade 0-1
