Matthias Mizzi
Mosta …………………..1
Sliema W……………..0
Mosta: E. Akpan, R. Briffa (70’ G. Sciberras), W. Donkin (77’ Z. Brincat), C. Failla, B. Diarra, T. Farrugia, L. Riascos (77. W. Da Silva), A. Antwi (70’ C. Ememe), R. Morisco, S. Akinbule, R. Ekani
Sliema W: D. Cassar, K. Shaw (64’ J, Morales), G. Aquilina (46’ E. Agius), M. Scerri, D. Holla, M. Piciollo (44’ J. Goncalves), O. Linton, J. Farrugia, M. Beerman, D. Vukovic (14’ J. Mintoff), V. Berisha
Imwissija: 40’ G. Aquilina, 41’ T. Farrugia, 62’ A. Antwi, 72’ J. Mintoff, 75’ J. Morales, 80’ E. Rodriguez, 85’ O. Linton, 87’ C. Ememe,
Imkeċċi: 90+3’ D. Holla
Skorjaw: 27’ W. Donkin
Referee: Darryl Agius
Assistenti Referees: Luke Portelli & Duncan Sultana
Raba’ Uffiċjal: Trustin Farrugia Cann
BOV Plejer tal-Logħba: William Donkin (MST)
F’partita bbilanċjata bejn żewġ timijiet fin-naħa t’isfel tal-klassifika, Mosta ħarġu bi tliet punti importanti f’idejhom. Fuq in-naħa l-oħra Sliema Wanderers ħadu daqqa oħra kontrihom fit-taqtigħa li jsalvaw f’posthom fil-Kampjonat Premier.
Ftuħ il-partita u Sliema W. mal-ewwel ħarġu perikolużi permezz ta’ xutt b’saħħtu ta’ Matteo Piciollo li madankollu għadda għoli. Fis-27 minuta Mosta fetħu l-iskor fl-ewwel xutt denju lejn il-lasti avversarji. Kien Roderick Briffa li f’nofs il-ground rebaħ il-ballun u tefa’ pass preċiż fit-tul lejn William Donkin liema plejer mill-viċin ikkonverta b’gowl fl-anglu tax-xibka. Sliema rrispondew b’kontrattakk minn fuq il-lemin, b’Jean Paul Farrugia dahru lejn il-lasta sabha diffiċli biex jikkonkludi, qassam lil Piciollo b’dan tal-aħħar ixxuttja għoli. Is-Slimiżi komplew jippressaw għoli biex fit-38 minuta l-konklużjoni ta’ Gabriel Aquilina kienet perikoluża għal Mosta.
Fit-tieni taqsima, ftit qabel is-siegħa, Rafael Morisco kien strumentali fid-difiża meta b’daqqa ta’ ras minn corner Sliema setgħu faċilment jiskorjaw. Sliema sabuha diffiċli jippenetraw id-difiża Mostija tant li fit-68 minuta l-captain Mark Scerri sforza xutt minn barra ‘l kaxxa li madankollu ma kienx perikoluż. Fil-kumplament tal-partita Sliema ftit li xejn kienu perikolużi fuq l-attakk. Minuta qabel it-tisfira finali huma sfaw jilagħbu bi plejer inqas meta Danny Holla tkeċċa wata tackle kerha f’nofs il-ground fuq is-sostitu Gianluca Sciberras.
