Chris Cassar
ŻEJTUN C. ……………………… 1
PEMBROKE A. …………………1
Żejtun C: C. Cassar, A. Abela, D. Agius, C. Borg, R. Sgaria Farias, C. Grech, C. Da Silva Barbosa, C. Degabriele, S. Tounkara, D. Xuereb, G. Azzopardi
Pembroke A: M. Grech, K. Farrugia, D. Sant, N. Pace Cocks, E. Ferreira, J. Suda, C. Zammit, J. Bajada, S. Jankovic, A. Marshall, R. Fenech.
Referee: Ishmael Barbara
Pembroke kisbu dak li riedu fl-iktar konfront importanti ta’ tmiem din il-ġimgħa, fejn bid-draw miksub kontra Żejtun, mhux biss żammew ir-rekord ta’ l-uniku tim mingħajr telfa, iżda żammew ukoll l-ewwel post tal-klassifika b’vantaġġ komdu fuq Naxxar u l-istess Żejtun.
L-ewwel azzjoni perikoluża minn naħa ta’ Pembroke b’daqqa ta’ ras mill-viċin ta’ Ferreira salvat b’diffikulta minn Cassar. Ftit wara azzjoni ta’ Russell Fenech u xutt mid-distanza li Cassar salva tajjeb mal-art.
Fit-30 minuta Żejtun fetħu l-iskor meta minn kross mil-lemin ta’ Barbosa kien Tounkara li daħal tajjeb bejn żewġ difensuri u spara fix-xibka. Żewġ minuti wara minn azzjoni ta’ korner kien hemm xutt ta’ Christian Grech li kien salvat b’diffikulta minn Matthew Grech.
Wara l-gowl Żejtun bdew jilagħbu aħjar iżda fil-ħin miżjud tal-ewwel taqsima f’azzjoni ta’ kontrattakk Pembroke kisbu d-draw permezz ta’ Erikys Ferreira.
Fit-tieni taqsima Pembroke żammew l-inizjattiva u Ferreira falla ċans tajjeb quddiem il-lasta fil-65 minuta.Minkejja l-isforzi taż-żewġ naħat it-tieni taqsima ftit ipprovdiet emozzjonijiet bir-riżultat ta’ draw finalment jikkuntenta liż-żewġ naħat.
Deċiża b’gowls tas-sostituti fit-tieni taqsima
FGURA U. …………………. 2
MGARR U. ……………….. 0
Fgura U: L. Moore, L. Pisani, D. Caruana, R. Prudente, J. Micallef, J. Silva Ewertton, M. Brincat, J. Stensen, K. Gandini, J.R. Vella, S. Borg.
Mgarr U: R. Dimech, I. Borg, L. Grech, J. Davies, J. Borg, Y. Nkuru, I. Galea, S. Saldanha, J. Micallef, C. Gauci, U. Calistus.
Referee: Jo-Anna Vassallo
Żewġ gowls ta’ żewġ sostituti fit-tieni taqsima taw rebħa mportanti lil Fgura f’logħba mimlija azzjonijiet ta’ skor u li seta’ kellha riżultat b’ħafna gowls. Finalment kienu Fgura li ħadu t-tliet punti li bihom komplew iserrħu rashom, filwaqt li għal Mġarr ikomplu jonqsu t-tamiet ta’ salvazzjoni.
L-ewwel periklu minn naħa ta’ Mġarr bid-daqqa ta’ ras ta’ Saldanha taħbat man-naħa ta’ fuq tal-mimduda. Mġarr ma tantx kellhom xorti tajba fl-ewwel taqsima fejn fl-ewwel nofs siegħa tal-logħba kienu kostretti jwettqu żewġ bidliet meta weġġgħu kemm Nkuru kif ukoll Saldanha.
Fgura kellhom xi azzjonijiet veloċi minn naħa ta’ Prudente u Silva Ewertton li bħas-soltu żamm wisq il-ballun f’saqajh u ma tantx kien ta’ għajunua għal sħabu. Sal-intervall minkejja l-impenna taż-żewġ naħat il-goalkeepers kellhom taqsima trankwilla.
Fit-tieni taqsima l-logħba kienet miftuħa beraħ b’diversi azzjonijiet kemm fuq naħa kemm fuq oħra biż-żewġ naħat ifallu diversi ċansijiet faċli ta’ skor f’dak li deher festival ta’ opportunitajiet falluti. Fid-69 minuta Mġarr inqabdu fuq sieq waħda bis-sostitut Quintero jaħrab minn nofs grawnd jaqbeż anki lill-goalkeeper u jixħet f’lasta vojta.
Żewġ minuti mit-tmiem Fgura għalqu l-logħba bit-tieni gowl b’azzjoni ta’ Quintero fuq il-lemin u kross lejn is-sostitut Gabriel Borg li spara ġewwa mill-viċin.
