Matthias Mizzi
Santa Lucia…….2
Valletta………….1
Santa Lucia: J. Haber, A. Prates, J. Pisani, N. Pulis, G. Conti, P. Silva, V. Plut (76’ A. Da Silva), A. Valpoort (77’ J. Tanti), L. Pretes, D. Xuereb, Y. Soares
Valletta: A. Guarnone, J. Borg, R. Camilleri, L. Murillo (58’ H. Dilaver), C. Gauci, A. Zammit (85’ M. Sansone), E. Pena Beltre, I. Crujuric, E. Sala, M. Fontanella, K. Tulimieri (58’ L. Campos)
Imwissija: 34’ K. Tulimieri71’ J. Haber
Skorjaw: 3’ N. Pulis, 62’ V. Plut, 73’ E. Salat
Referee: Malcolm Spiteri
Assistenti Referees: Alan Camilleri & Duncan Spencer
Raba’ Uffiċjal: Glen Tonna
BOV Plejer tal-Logħba: Vito Plut (STL)
Ikomplu s-serje ta’ riżultati negattivi għat-tim tal-kapitali meta fl-Istadium Nazzjonali tilfu kontra t-tim ta’ qabel tal-aħħar Santa Lucia. Fuq in-naħa l-oħra Santa Lucia kienu ġejjin minn dro f’konfront dirett kontra Sliema Wanderers. L-aħħar rebħa għal Valletta kienet f’Novembru fejn dakinhar huma kienu għelbu lil Mosta bl-iskor ta’ 3-1.
Santa Lucia marru fil-vantaġġ kmieni wara tliet minuti meta l-ex plejer Nicholas Pulis ħasad lil Valletta b’gowl stupend fl-anglu minn barra ‘l kaxxa li Alessandro Guarnone ma setax jilqa’. Wara dan il-gowl Valletta ħarġu aktar għatxana biex mingħajr telf ta’ ħin jagħmlu l-iskor indaqs biex fis-16-il minuta ż-żagħżugħ Andrea Zammit ra t-tentattiv tiegħu mill-kaxxa ż-żgħira mblokkat u mdawwar f’corner. : Ħames minuti wara l-ex goalkeeper internazzjonali Justin Haber kien strumentali fil-lasti biex salva xutt fil-baxx ta’ Kevin Tulimieri. Valletta komplew jinsistu biex ftit wara n-nofsiegħa logħob fallew ċans tad-deheb meta Fontanella wiċċ imb wiċċ ma’ Haber ma kkonvertiex b’mod tajjeb.
Fis-62 minuta Santa Lucia taw daqqa oħra lill-Beltin meta Vito Plut dar tajjeb fil-kaxxa u venven xutt fis-saqaf tax-xibka wara pass preċiż minn mal-art ta’ Jurgen Pisani. Minkejja dan il-gowl Valletta rrispondew b’mod tajjeb, tant li fil-71 minuta huma naqqsu l-marġni tal-iskor b’konklużjoni akrobatika ta’ Eslit Sala. Valletta komplew jippressaw biex fit-88 minuta cross ta’ Pena Beltre lejn Fontanella ġie mblokkat mid-difiża minn fuq il-linja.
