Il-player tal-futbol Haley Bugeja rebħet l-unur tal-Atlas Atleta Żagħżugħa tas-sena 2021. Waqt il-preżentazzjoni ta’ dan l-unur Bugeja kienet preżentata ukoll bl-unur tal-Atleta Żagħżugħa tax-xahar għal Diċembru. L-attakkanta Maltija tinsab f’Malta għall-impenji mat-tim nazzjonali Malti tan-nisa fil-Visit Malta Trophy.
Bugeja kellha prestazzjonijiet mill-aqwa matul l-aħħar xhur ma’ U.S. Sassuolo filwaqt li f’Diċembru Bugeja kienet magħżula wkoll bħala l-aqwa player tas-Serie A għall-istaġun 2020/21 mill-magazine li jispeċjalizza fuq il-futbol tan-nisa, L Football.
Il-preżentazzjoni ta’ dan l-unur saret mid-Diretturi Maniġerjali ta’ Atlas Matthew von Brockdorff kif ukoll miċ-Chief Commercial Officer Robert Micallef, fil-preżenza tas-Segretarju Ġenerali tal-Għaqda Ġurnalisti Sport Lorraine Cunningham kif ukoll l-Amministratur Stephen Azzopardi.
