"Il-PN qed ikompli jiġġenera ruħu biex verament joffri paġna ġdida għal pajjiżna"
Il-Partit Nazzjonalista huwa partit li qed jirriġenera ruħu – partit magħqud li qed jaħdem sabiex permezz ta’ ideat ġodda b’taħlita ta’ nies b’esperjenza kbira, ikun verament Gvern alternattiv li jġib il-bidla li pajjiżna tassew għandu bżonn.
Hekk sostna l-Kap tal-Partit Nazzjonalista Bernard Grech hekk kif fl-istess attività politika li saret fil-Belt Valletta, id-deputat Claudio Grech ħabbar li mhux se jkun qed jikkontesta l-Elezzjoni Ġenerali li ġejja sabiex jagħti spazju lil uċuh ġodda.
