Bejn illum u għada titkompla l-fażi tal-aħħar sittax tal-UEFA Champions League. Illum iċ-champions attwali Chelsea se jospitaw liċ-champions Franċiżi Lille. It-tim immexxi minn Thomas Tuchel għadhom ġejjin mis-suċċess fit-Tazza tad-Dinja tal-Clubs, kif ukoll minn rebħa minima ta’ 1-0 kontra Crystal Palace fil-Premier League. Min-naħa l-oħra Lille se jkunu qed iħarsu li jmorru fit-tieni leg b’vantaġġ f’idejhom, fejn se jaspiraw li jagħmlu għal kwarti finali taċ-Champions League għall-ewwel darba fl-istorja tagħhom.
Fil-partita l-oħra iċ-champions tal-UEFA Europa League Villareal se jaffrontaw lil Juventus. It-tim immexxi minn Massimiliano Allegri ilu għall-aħħar seba’ logħbiet mhux megħlub u se jkun qed iħares li jirritorna għat-tieni leg b’vantaġġ.
Intant fil-partiti ta’ għada, waħda mill-partiti prinċipali ta’ din il-fażi Man Utd jmorru għand Atletico Madrid f’partita bejn żewġ ġganti tal-futbol Ewropew. Għal Man Utd dan hu l-aħħar ċans tagħhom li jirbħu trofew matul dan l-istaġun. Fil-partita l-oħra Benfica se jilagħbu kontra Ajax.
UEFA CHAMPIONS LEAGUE
L-Aħħar Sittax: Illum: Chelsea v Lille 9.00pm, Villareal v Juventus 9.00pm Għada A.Madrid v Man Utd 9.00pm, Benfica v Ajax 9.00pm
