Liverpool ftit tħabtu sabiex għelbu lil Leeds sabiex fit-18 ir-rebħa tal-istaġun b’60 punt jinsabu biss tlett punti taħt Manchester City. Fl-14 il-minuta Stuart Dallas fid-difiża ta’ Leeds deher li lagħab il-ballun b’idu. Michael Oliver saffar penalty b’MOHAMED SALAH jgħeleb lil Ilian Meslier. Reazzjoni sterili minn Leeds l-aktar wara li fit-30 minuta kien JOEL MATIP li minn azzjoni ta’ Mohamed Salah għeleb lil Meslier għat 2 – 0 . Fil-35 minuta Luke Ayling iffawlja lil Sadio Mane’ fil-kaxxa. Michael Oliver ikkonsulta l-VAR biex saffar penalty għal Liverpool. Mill-ġdid MOHAMED SALAH għeleb lil Meslier . 3 – 0 sa tmiem l-ewwel taqsima. Bil-partita deċiża, fit-80 minuta SADIO MANE’ għamel l-iskor 4 – 0 minn azzjoni ta’ Jordan Henderson bl-istess MANE’ fl-ewwel minuta ta’ ħin miżjud għeleb lil Meslier għal 5 – 0 . L-iskor sar 6 – 0 fit-93 minuta permezz ta’ VIRGIL VAN DIJK minn azzjoni tya’ Andy Robertson.
Riżultat sorpriża fejn bit-tielet rebħa tal-istaġun, Burnley minkejja li baqgħu fin-naħa t’isfel tal-klassifika b’20 punt qabżu lil Watford. Minkejja li Tottenham iddettaw għal ħinijiet twal , sa tmiem l-ewwel taqsima Nick Pope żamm l-iskor intatt għal Burnley. Fit-tieni taqsima b’Burnley aktar fil-partita, fil-71 minuta saħansitra marru fil-vantaġġ. Minn kross ta’ Josh Brownhill kien BEN MEE li bir-ras għeleb lil Hugo Lloris għal dak li kellu jkun il-gowl deċiżiv.
Rebħa li mmaturat fit-tieni taqsima bi Crystal Palace jitilgħu fil-ħdax il-post fil-klassifika b’29 punt filwaqt li Watford baqgħu fid-19 il-post bi 18 il-punt. Fil-15 il-minuta kien JEAN PHILIPPE MATETA li minn azzjoni ta’ Conor Gallagher għeleb lil Ben Foster biex poġġa lil Crystal Palace fil-vantaġġ. Tlett minuti wara fl-ewwel reazzjoni Watford kisbu l-gowl tad-draw. Pass ta’ Kiko Femenia lejn MOUSSA SISSOKO li għeleb lil Jack Butland. Bi Crystal Palace fuq l-offensiva fit-42 minuta marru fil-vantaġġ. Minn pass ta’ Tyrick Mitchell kien CONOR GALLAGHER li għeleb lil Foster għat-2 – 1 . L-andament fit-tieni taqsima baqa’ l-istess bl-iskor isir 3 – 1 fil-85 minuta b’gowl ta’ WILFRIED ZAHA minn azzjoni ta’ Jordan Ayew u saħnsitra 4 – 1 fid-90 minuta b’gowl ieħor ta’ ZAHA minn azzjoni ta’ James McArthur.
PREMIER LEAGUE
Illum: Burnley v Tottenham 1-0, Watford v C’Palace 1-4, Liverpool v Leeds 6-0 Għada: Arsenal v Wolves 8.45pm
